قال التلميذ حمزة البطي المرسم بالمعهد النموذجي ببنزرت إنّه مهدّد بثلاثة أيام طرد من المعهد على خلفية نشره لصور على حسابه بفايسبوك.
وكتب التلميذ حمزة البطي تدوينات على موقع التواصل الإجتماعي الفايس بوك إنتقد فيها تعطل أشغال إنجاز ملعب لكرة السلة و إنتشار الفضلات بالمعهد النموذجي 15 أكتوبر فتدخلت إدارة المعهد بإحالته على مجلس التأديب وفي مايلي نص التدوينة:
السلام، هاذا ما يسمى بالمعهد “النموذجي” ببنزرت، الليسي الي منطقيا تكون ظروف العمل فيه مريحة و أبسط مقومات النجاح بتفوق متوفرة ، علميا القراية 24/24 ماعندها وين توصل و القيام بأنشطة رياضية ضروري، باهي في التصاورالأولى هذا ملعب كرة السلة، الي بدات فيه أشغال حفر من بداية السنة الدراسية الفارطة، الأشغال دار عليها العام و حال الستاد بقات كيما هيا، يقول القايل علاش موش على الأقل في الصيف خدموه و كملوه ؟؟؟ الله أعلم، المهم احنا “بيلوت” و ديما نقراو مناش متاع بسكات.. و على ذكر ظروف العمل ، الزبلة هاكي حشاكم مكدسة كل يوم قدام الباب الفرعي و الي تعطي صورة أكثر من رائعة للمعهد “النموذجي” متاعنا.. الزبلة هاكي تلقاها على أشكال أخرى الداخل ، كيما الغبرة المنتشرة في كل بلاصة، دورات المياه ( مانغير مانوصف ..) ، الشبابك و البيبان المكسرة و الحيوط الي يتم دهنها مرة في 4 سنين ولا في المناسبات .. و مانغير ماننسى البيبان الى سكروها مؤخرا ، المعاملة بالأكتاف ، كلاس 3رياضيات فيه 27 تلميذ نتنفسوا بالpاي، و التشكيات من التلامذة المقيمين و أنصاف المقيمين .. حاصيلو.. كل هذا و أكثر تجدونه كل يوم بالمعهد النموذجي، وجه بنزرت و تونس و شمال افريقيا ..
م.ص.ع.
شارك رأيك