خلفت الحلقة التي بثت أخيرا من برنامج عندي ما نقولك جدلا واسعاً لدى كافة متابعي البرنامج في الجزء المتعلق بالفتاة هاجر التي تعرضت للاغتصاب من طرف أقرباء زوجة والدها الثلاثة.
الطفلة التي عانت ويلات الاغتصاب منذ سن 14 الى سن 18 صدمت حكايتها كل من شاهد حلقة تلفزيون الواقع و تواصلت هذه الصدمة إزاء الصمت المطبق لوزارة المراة و الاسرة و الطفولة و كذلك وكيل الجمهورية امام هذه الجريمة التي خلفت طفلا ولد يوم 10 أكتوبر الجاري.
حكاية البنت المغتصبة لم تتوقف عند برنامج عندي ما نقلك بل نشرت اختها الكبرى توضيحا على صفحات التواصل الإجتماعي شرحت فيها مأساة أطفال ماتت أمهم في سن الـ 34 في ظروف مجهولة بعد ران ذاقت الويلات من زوج مستهتر و خائن.البنت اكدت في تدوينها ان اباها تزوج فور انقضاء 40 يوما عن وفاة والدتها و اقام حفلا بالمناسبة و لم يكترث لمعاناة اطفاله من معاملة زوجة ابيهم لهم و التي لم تتوانى عن التستر عن فعله اقرباءها و قمع البنت و ضربها و محاولة طمس الجريمة التي اقترفوها في حقها.و اكدت شقيقة البنت المغتصبة ان الرجال الثلاثة الذين تداولوا على اغتصاب شقيقتها تتراوح اعمارهم بين 42 و 47 سنة و احدهم يعمل مؤذنا بجامع الجهة التي يقطنون بها.
و في ما يلي نص الرسالة التي كتبتها اخت الضحية هاجر على صفحات التواصل الاجتماعي “فايسبوك”:
“هاذي حكاية هاجر لى تعدات مبارح فى عندى ما نقلك و انشالله تلقا شكون يخذلها حقهااا لى صار عليها ينجم يصير على كل ولية فى ضل الجهل و التهميش و الخوف :
.
“انا اخت هاجر الي مشات ضحية بين ايدين حيوانات باش نحكيلكم القصة ملي توفت امي وقتها احنا صغار انا 5سنين خويا 17 سنة و اختي الاكبر مني 12 سنة و هاجر عامين و شوية
بابا بعد الاربعين طول جمعة عرسوا اعمل حفلة و كوستيم و مرتوا روبه البيضه و زازااا
الحاصيلو خويا مشا يسكن مع دار امي في صفاقس و احنا بابا ماحبش يعطينا لجدتي خويا بدا يخدم في المرامه ويصرف علينا
انا نذكر شويه من حياة امي و بابا كان ديمه يضرب فيها و هو معرس بيها جايب زوز صغار في الحرام من بنت عمو و كان يجيب في صاحبتو لدارنا قدام امي
امي توفت عمرها 34 سنه و منعرفوش كيفاش توفت
الحاصل مرت بويا كانت خايبه معانا برشا ديمة تضرب فينا انا و اخواتي البنات بدات باختي الكبيرة ديمه معذبتها اختي تعبت و هربت لدار جدي في صفاقس و ولات تخدم هيا و خويا باش ما يخالونا ناقصين شيء ويصرفواعلينا وعلى بابا رغم الي انو كان يخدم في الكونترا و عندو الفلاحه الحاصيلو تعبت كنت معدلاتى متهبطش تحت 17 و كنت نقرا بالمبيت في بوحجلة و نروح نهار السبت صحابي يروحوا يحضروا و انا نروح نحرك الدار و نسرح بالنعجات و نحش و …….بديت نتعب في مخي من الضرب متاع بويا و مرتوا كان يضربني ديمه و يسمعني الكلام كنت عاقله منعرف شيء من الدنيا
عامت الثانيه ثانوي ناجحه ب 17 معدل
خرجت نقرا في اليسي و وليت نقرا و نروح نبدل دبشي و نمشي نسرح بالنعجات و نحش و نعمل ….و ناكل البغس و الضرب منجمتش كرهت حياتي صبحت ب لا علاقه بالدنيا انتقمت و مشيت بحذا خواتي و دار امي و وليت نروح في المناسبات مع اختى و خويا ..كتبت صداقى على راجل شرط عليا نرجع نقعد ف دار بابا لين نعرس و ياريتني ما رجعت ما هنا على بال مرت بابا الا كما طلقت قبل عرسي… و منين طلقت بابا طردني من الدار مشيت و ضعت و تعلمت من الدنيا قعدت عاامين مروحتش لدار بابا …
بنسبة لهاجر اختي تربت ف دار بابا لا خالطت لا تفهم لا تعرف تحكي لا تلبس لا عمرها خرجت من صباح لليل يا تسرح بنعجات يا تخدم ف الفلاحة و كي تكلمني من تليفون وحدة من البنات لى يخدمو معاها ساعات تقولي راهي نورة(مرت بابا) تضرب فيا و تحرش عليا في بابا. , و راني هاني نخدم و نصرف عليهم معمرهاش حكاتلى حكايتها لا قتلى حاجة
في العيد روحت القيروان بعد ثلاثه سنين غياب و الي صدمني نلقى اختي كرشها على ركايبها
شديتها حكيتلها و قاتلي الي صار الكل و الي مرت بابا في بالها و قالتلها ما تقول لحد كان يسمع خوك يذبحك و باباك يمشي فيها(يموت)
جبدت خويا حكيتلو ناداها خافت و قاتلو ايه صحيح لين جات مرت بابا و قالت اسكتوا للي يفوت للعيد و نلقوا حال و نستروها بدا خويا يصيح قالها جريمة كيف ما هاذي ميتسكتش عليها و دخل فى هستيريا متع بكا و عياط ..هز اختى من يداها و مشينا للمركز
للمركز دخلت انا و خويا و بحثوها قدامي جبدت ثلاثة اشخاص معرسين و من العائله
خو مرت بابا عمرو 42 سنه يخدم موظف و معرس و عندو زوز صغار
ولد عمة مرت بابا 49 سنة مؤذن في جامع و متزوج عندو خمسة صغار الصغيره نديتي من. عام 1996
ولد خالة بابا يخدم فلاح كبير و عمري 47 سنة متزوج و عندو خمسة صغار الصغيره نداد هي و هاجر من عام 1999
لاكن للي صار اغرب قالونا روحوا عيدو و نهار الأربعاء جيبوها هازوها بحثت و هازوها تسخير طب شرعي و توقف خو مرت بابا و النؤذن و اللخر هرب
لاكن ولات لوغة معارف و زيد كمل بابا حسبي الله و نعم الوكيل فيه مشا خرج نسيبو و االاخر و صحح عليهم
اختى ولدت بالعملية نهار 10 اكتوبر و تو قاعدة فى دار خويا و الحاكم لتو معمللها شي ..لا كلمونا لا عملونا مواجهة لا وكيل جمهورية لا حتى شي
علاش شنوا ذنبها اختي و وينو القانون و يكمل البرنامج لى يقلنا باش يخذلنا حقنا يفسخ شطر الكلام و يشرط على خويا يقول لى يحبو هواا
حسبي الله و نعم الوكيل فى بابا و معندنا كان ربي و نتمنا صوتى يوصل و نلقا شكون ياقف معانا و يخذلنا حقناا و على الاقل كيف يكبر ولد اختى ميقولولوش راك ولد حرام”.
ش.أ
شارك رأيك