عمد امس عدد من شباب الذهيبة الى غلق المنافذ الصحراوية بمناطق اوني والمرطبة وأم زقار بعد غلق طريق الكامور من قبل الشباب المحتج من تطاوين.
و حسب مصدر مطلع لأنباء تونس فإن هؤلاء الشباب ينتمون الى حزب حراك الإرادة و الى التيارات الاسلامية و الى روابط حماية الثورة سابقا و الى أحزاب المعارضة .
و قد نشر صباح اليوم عضو روابط حماية الثورة سابقا عماد دغيج تدوينة على صفجته الرسمية الفايسبوك يحرض فيها الشباب على الاحتجاج في كامل تراب الجمهورية :
“رانا كبرنا اليوم و صرنا نعرفوا اللي لحقوق تفتك و ما تتهداش ، كبرنا و كبرت معانا معاناتنا في هالوطن ، اكثر من نصف قرن و احنا عايشين الحرمان من خيرات بلادنا ، عايشين الحقرة و التهميش ، عايشين نلقطوا في الفتات متاع هالعصابة وقتلي حقنا و خيرات بلادنا احنى اولى بيها .
البارح جمنة و الفوار و اليوم تطاوين و هذا غير كافي ،
يلزم يفيق ولد بوزيد اللي دمه مزال الاثر متاعه مرسوم في الشوارع و ما خذي شيء ،
القصرين ، الولاية اللي هزت البطولة في عدد شهداء الثورة ، اش خذاو شبابها ؟؟
القيروان اللي تتصدر الترتيب في الاكثر فقر و الاكثر حالات الانتحار ،
قفصة و قابس اللي من خيرات بلادنا ما وصلتهم كان الامراض و التلوث
الكاف و جندوبة و باجة هالجيهات اللي اتحسها ايست من ان حالها سيستقيم في يوم ما ،
الاحياء الشعبية اللي خدّروهم بالدواء و الزطلة و عزلوهم على واقعهم
هاذم الكل يلزم يفيقوا و يفهموا اللي سكاتهم يعني استسلام للبطالة و الفقر و التهميش و خاصة للذل .
اما رسالتي لاحرار تطاوين فهي : لقد اخجلتمونا ، و فضحتم قعودنا ، انتم اليوم شرف التونسييين ، فلا تهنوا و لا تستسلموا و انتم الاعلون و الله معكم و لن يتركم اعمالكم ، يا احرار لن نخذلكم و لن نخونكم بل صرتم قدوتنا و على دربكم سنسير باذن الله .
حافظوا على سلميتكم و انضباطكم و لا تعطوهم الفرصة بتشويهكم .
المعركة متواصلة و طويلة و يلزمها رجال كاسحين و صناديد ، و انتم اهلها ، و انتم لها و باعلى اصواتنا جميعا سنصرخ في وجوههم بشعارنا : الرخ لا الرخ لا .”.
و قد شهدت ولاية تطاوين أمس الاحد 23 افريل الجاري تحوّل مئات المحتجين إلى منطقة ”الكامور” في خطوة تصعيدية لمنع سيارات وشاحنات الشركات البترولية المنتصبة بصحراء الجهة من العبور.
و يشار الى انه تقرر رسميا زيارة رئيس الحكومة يوسف الشاهد إلى ولاية تطاوين يوم الخميس القادم الموافق لـ 27 أفريل 2017 ، ومن المنتظر أن يصدر رئيس الحكومة يوسف الشاهد قرارات هامة تخص التنمية والتشغيل بالجهة.
و.ق
شارك رأيك