قدّم الاعلامي هيثم المكّي امس الاثنين 6 جوان 2017 اعتذاره للجالية التونسية بدولة قطر عما صدر منه في نفس اليوم بخصوص التونسيين بقطر.
وقد نشر هيثم المكي تدوينة على صفحته الرسمية فيسبوك فسر من خلالها ما قصده خلال تقديم فقرة اذاعية على موجات موزاييك قائلا: ”
للتوانسة اللي في قطر : كلامي اليوم ما كانش يستهدفكم، و لا حتى يستهدف البعض منكم. كلامي استهدف أبواق قطر في تونس، و هو تنويعة على كلام شفيق جراية عن “كلابو” و “كلاب كمال لطيف”. كي طاح شفيق، استعملت نفس الاستعارة تقريبا، للسخرية من كلابو اللي باش يتشردوا و يتيتموا الخ الخ.
يعني الكلام على ناس يعيشوا في تونس، أما يخدموا مكلفين بمهمة عند قطر، كيما غيرهم مكلف من طرف دول أخرى، و ما عندو حتى علاقة بالتوانسة اللي عايشين في قطر. نفهم أن الانسان اللي ما سمعش أعداد أخرى مشابهة يفهم بالغالط، خاطر الناس ماهيش تسمع فيا كل يوم، و خاصة الصياغة كانت سيئة و تؤسس لسوء الفهم، و هاذي maladresse مني وجب تصويبها. المهم نؤكد : ما كان عندي حتى قصد للتعرض لأولاد بلادنا اللي في قطر ولا في غيرها، و هذا نقول فيه قدر فيهم، موش حاجة أخرى.
غدوة نصحح في موزاييك، و نعتذر على الصياغة الحمقاء اللي سببت سوء التفاهم هذا.”
يذكر ان الاعلامي هيثم المكي سخر امس من التونسيين المقيمين بقطر ووصفهم بـ”كلاب قطر” و”الكلاب اللاجئة” وذلك على خلفية نقده لعملية قطع العلاقات الديبلوماسية السعودية والمصرية والبحرينية…مع دولة قطر بعد اتهامها بتموبل ومساندة الجماعات الارهابية.
ر.م
شارك رأيك