علقت الفنانة المسرحية ليلى طوبال على تغطية نواب النهضة وجوههم خلال ظهور الراقص الكوريغرافي رشدي بلقاسمي على الركح ليلة افتتاح مهرجان قرطاج .
و في هذا السياق نشرت ليلى طوبال تدوينة على صفحتها الرسمية الفايسبوك جاءت كالتالي :”
48 ساعة كانوا كافين باش يزيدوا يعرّيوا… ماهو سي ديجا عريان ومفضوح وجوه النهضة… كافون ورشدي بلقاسمي… الوضعيتين مختلفين… كافون في فرش في مصحّة عمل عمليّة وربّي يشفيه ويقيّموا لاباس… ورشدي بلقاسمي على مسرح قرطاج وقيل اعتدى بالفاحشة على حميدة… أذيكة متاع الأخلاق بشطيحو ـ لا يزّي “المراوي” ولا يزّي عرّى صدرو قدّام ملائكات النهضة الأخوات المؤمنات الطيبات فخدش حيائهن… وخبّاو وجوههن… ويمكن تمتمتنّ (من فعل تمتم) ربّنا لا تؤاخذنا بما فعل السفهاء منّا… فالشطيح كي الشراب شاربه وحامله وجالسه والمتفّرج عليه… حرام عليك يا رشدي جاو بدعوات باش يتفرهدو بعد صلاة العشاء ياخي ركّبتلهم الذنوب على رقبتهم…
في 48 ساعة قريت ما لذّ وطاب من الّسادة والسيدات… والتي تراوحت بين الشماتة في كافون… على أساس ربّي عاقبو على عمايلو… وأنا على حدّ علمي، والمسلمين جداااااا أدرى منّي، إنّو المرض إبتلاء وليس عقاب … والـ2 tome مع رشدي بلقاسمي… ولهنا Ils se sont vraiment lâchés …خدمت الماكينة وتسيّبوا الغلمان وجواري وجيوش النهضة… توّه كان جيتو عندكم مخاخ وتفهمو… كان جيتو عشتو في البلاد وتعرفوها … توّه نكتّب على أيامي ونعطيكم نبذة عن تاريخ الرقص الرجالي في تونس… آما أنتوما قطيع …
لا ينفع فيكم لا كلام ولا نقاش و لاوالو… ولذا وباختصار… لانا منكم ولاكم منّا… لا نشبّهولكم (ألف حمد) ولا تشبّهولنا… لا نحبّوكم و لا حاجتنا تحبّونا… أحنا كيما أحنا لا مبدّل ولا مغيّر… شيّخوا أرواحكم واكتبوا وفرهدوا على قلوبكم الفايضة حقد وكره وبغض… تعرفوها غناية الشيخ إمام؟ مع بعضكم عيّشكم… شدّوا الميزان ..
مع الاشارة ان رشدي بلقاسمي قد نشر تدوينة على صفحته الرسمية الفايسبوك قال فيها أن نواب حركة النهضة قاموا بتغطية وجوههم عند صعوده على ركح مسرح قرطاج في افتتاح الدورة 53 بعرض “60 سنة موسيقى تونسية.
و.ق
شارك رأيك