وصف الكاتب والباحث الاكاديميّ عادل اللطيفي، فوز ياسين العياري امس الاحد 17 ديسمبر 2017 بمقعد المانيا في مجلس نواب الشعب، بالمرارة والارتياح.
واضاف اللطيفي : “ياسين العياري نائبا في البرلمان، مرارة وارتياح: ها الكارثة المستحقة اللي جات في وقتها تبعث رسائل مهمة لأهل الحل والعقد:
– الفتح العياري العظيم هو مؤشر على فشل كل الخيارات السياسية منذ انتخابات 2014 واللي كانت من إنتاج قصر قرطاج…سواء في ما تعلق بالتوافق وإلا بمساندة حافظ والخماسي….الباجي يتحمل مسؤولية صعود العياري للبرلمان كيما باش يتحمل تسليم البلاد من جديد لروابط حماية الثورة في 2019.
– لا يخفى أنو إفراغ دائرة ألمانيا من النيابة كان بهندسة من حافظ وقالها بسيس برهان….حافظ قائد السبسي هو الثغرة اللي باش ترجع منها الدواعش في البلاد…وماذا بينا الحاشية متاعو يغسلوا وجوههم بالصابون أحسن من حاجة أخرى. واللي كان معمل على حزب النداء باش يقضي حاجتو…يمصمص.
– النهضة عليها بالاعتراف بحاجة من اثنين لا ثالث لهما….إما تعترف بانها ضعيفة وغير قادرة على تحريك ناخبين…أو تعترف أنها صوتت للعياري…
– الأحزاب الاخرى اللي نهار لكل عافسة في التحالف الحاكم تلفتوا لارواحكم شوية…إذا واحد مستقل في دائرة المانيا يجيب أكثر منكم راهي كارثة…شوية تواضع بربي.
– الشاهد لازم يستغل هزيمة السبسي والشيخ باش ما عادش يرضخ لابتزازهم كيما قبل وفرغ ألمانيا من تمثيلها في البرلمان….
– كلمة ائتلاف حاكم ومعارضة…كلام فارغ…عندنا مشهد سياسي معاق…”
يذكر ان نتائج الانتخابات التشريعية الجزئية بالمانيا اسفرت امس الاحد عن فوز المترشّح المستقلّ ياسين العياري بـ284 صوتا، والذي دعمه حزبي المنصف المرزوقي وراشد الغنوشي.
شارك رأيك