بعد رفض طلب الافراج عن سمير الوافي من طرف القضاء في جلسة اليوم الاربعاء كتبت شقيقته اميرة الوافي تلخيصا لتفاصيل سبعة اشهر من ايقافه و قدمت بعض المعطيات المتعلقة بالقضية من وجهة نظرها.
وقالت على صفحتها بالفيس بوك مساء اليوم الاربعاء:
“اليوم جلسة سمير الوافي كان املنا كبير باش يتم الافراج عليه باعتبار انو قاضي التحقيق اعتبر القضية جنحه واسقط تهم الرشوة والتبييض والقضية الوحيده الى عندو صار فيها اسقاط منذ اشهر..
قاضي التحقيق قام بالبحث لمدة 6 اشهر صبرنا وقلنا من حقهم يبحثو.. بحث في كل شئ املاكو واملاك عائلتو ومخلاوش حاجه ماثبتوش فيها وفي الاخير بعد تبرئته من عدة قضايا وبعد 7 اشهر مالايقاف نتفاجؤ ليوم برفض الافراج عليه وارجاع الملف للقطب القاضي المالي.
معناها بعد بحث لمدة 6 اشهر ومايلقاو شئ ويتم الاقرار بانها جنحه يعاود يرجع الملف باش يزديو يبحثو مره اخرى.. علاش سمير الوافي ارهابي والا تاجر مخدرات والاشنوه باش يتعطل هكا ويتم التدقيق معاه بالطريقه هذي الى ما صارتش مع اكبر المجرمين.. حتى كيف يقرروا باش يزيدو يبحثوا من حقهم في عقلهم اما مش بحث وهو موقوف عالاقل في حالة سراح يظهرلي يمثلش خطر على الامن العام وما ينجم يضر حد.. مدام مثبتتش ادانتو ومفماش حتى قرينة ضدو وكل القضايا السابقه خذا فيها عدم سماع دعوى والقضية الوحيده الحاليه فيها تنازل واسقاط من حقو وحق عائلتو باش يتم الافراج عليه وخلى يكملو يبحثو في عقلهم…
الى قاعد يصير ظلم كبير.. مفماش حتى مبرر باش سمير يبقى موقوف بعد 7 اشهر ايقاف وبعد البحث لكل الى صار وغياب ادلة ضدو…”
شارك رأيك