أكّد الناشط بـحملة ” فاش نستناو؟” وائل نوّار اليوم السبت 27 جانفي 2018، ان الحملة مازالت متواصلة، مهدّدا بالتصعيد.
واوضح نوّار ان الحملة مازالت متواصلة في اتّجاه اسقاط قانون المالية لسنة 2018 قائلا: “الحملة ومنذ يومها الأول طرحت برنامج عمل من 3 جانفي إلى 31 مارس بعنوان الثلاثي الأول للدعاية والتحريض ضد قانون المالية،
يعني بلغة السياسية مازلنا نراكمو، وبلغة الكورة مازلنا نعملو في مبارات ودية تحضيرية، وبلغة الشطرنج مازلنا نقدمو في البيدق،
أتحدى أي خبير اقتصادي ينفي أو يكذب انو الشهارة باش ينجمو يجبدو شهرية في مارس، خاتر بحساب الزيادات في الأسعار وبسبب الإجراءات الجديدة، الكلهم باش يتبلعو في الروج من فيفري، من غير ما نحكي على البطالة ولا على العائلات المعوزة.
قمة البهامة أنو الفريق الحاكم ماشي في بالو بالايقافات وبالشيطنة ينجم يحل مشاكل الناس الي ماعادش لاقية كيفاش تاكل خبزة، حملتنا اليوم عمرها 24 يوم ومازالت بث تجريبي، وارعبتكم ومازال مازال”.
وللتذكير فقد انطلقت حملة “فاش نستناو؟” منذ بداية الشهر الجاري احتجاجا على ما تضمنّه قانون المالية لسنة 2018 من ترفيع في الاسعار، وقد تم ايقاف عدد من الناشطين بالحملة بمختلف ولايات الجمهورية.
شارك رأيك