نائلة السليني للنهضة : “يا مشومة يا مبلية اللي فيك ردّو فيّة.. .. وبرّا اشكي”

علقت اليوم الاثنين 12 فيفري الجاري الأستاذة الجامعية والباحثة في الحضارة الاسلامية نائلة السليني على توعد حركة النهضة بمقاضاة كل من شوّهها .

و في هذا الاطار نشرت نائلة السليني تدوينة على صفحته الرسمية الفايسبوك جاءت كالتالي :

“3 حويجات نقولهم للغنوشي قبل ما يقدّم بينا قضايا:
* آش عملت في القضايا اللي رفعتهم ضدّك عبير موسي؟ خنقتها بالمخدّة ؟
* ناس بكري قالوا كلام يتنحت في الحجر من نوع : إلّلي ما تعرفش تشطح اتقول الأرض عوجة.. إللي اعطاه البَيْ حصان يركب ويدلدل رجليه…الفلوس تحيي النفوس… وتطهّر المنجوس… وترد الشّايب عروس.. ناس فضة وناس نحاس… ناس كيف الملائكة، وناس كيف الوسواس الخناس. ناس تتباس، وناس تستاهل الضرب بالمهراس.. الزمان تعكس الورد تقلع والبصل تغرس.. وأحنا ضربنا باللسان ومعولنا الفكر وقراءة واقعنا اللي سودتوه بتاريخ 7 سنوات.. وإن كنت ناسي أفكّرك.. وفي الأخير قالو: يا مشومة يا مبلية اللي فيك ردّو فيّة.. وخانها ذراعها قالت مسحورة
* الحويجة الثالثة: ما قالولكش أنّ أصعب المواجهات هي مواجهة ذاكرة المجتمعات.. وهذي دفعة على الحساب حتى يأتينا الجواب.. وبرّا اشكي للعروي.”
يا مشومة يا مبلية اللي فيك ردّو فيّة.. .. وبرّا اشكي”