أمام الحملة الممهنجة التي تشنها إدارتا قناتي “الحوار التونسي” و”نسمة” ضد النقابة الوطنية للصحفيين التونسيين ممثلة في رئيسها نقيب الصحفيين، كتبت الممصلة والمسرحية ليلى طوبال تدوينة على صفحتها الرسمية فيسبوك، للتعبير عن استيائها من المستوى الذي وصلت اليه هذه الفئة.
وقد انتقدت طوبال تهكّم قناة الحوار على نقيب الصحفيين، قائلة:
“نقولها ونزيد نعاودها… عرك الفايسبوك ما عندو حتى معنى… المحاكم في باب بنات… الناس إلّي تقود حملات التشويه على الفايسبوك وإلاّ في وسائل الإعلام فاقدين للحجج القانونية … وهذا شيّ تعدّى على راسي وعشتو وبالمناسبة مهما طوالت القضايا ما نيش باش نسلّم في حقّي… ولا سماح لا رباح في كل كلمة، في كل دمعة، في كل حبّة عرق … في كل نهار من 25 سنة من عمري
الصديقات والاصدقاء الصحفيين كي تحكيو على ممثل عمل سكاتش على نقيب الصحفيين حطوّا كلمة ممثل بين معقفين وما تنساوش إلّي هالسّلعة المضروبة الرديئة القبيحة اكتسحت “السوق” تحت تصفيق الجميع … سوق التشليك والتّبهيم والتّضحيك إلّي يسرّح عروق القلب … يسرّحهم لدرجة إحداث نزيف في الشرايين إلّي المفروض توصّل حاجة للمخّ… المخّ العايش في غيبوبة ويفيق بعد ساعات يضحك التعاسة ويصفّق القبح والرداءة…
ياخي العركة بين النقيب وسامي الفهري… ؟؟؟ في بالي القضيّة مربوطة برزق “البيليك”…
صحّة لينا … يوميّا نتبيلكو في هالبلاد”.
وللتذكير فقد تجنّد برننامج لاباس على قناة الحوار التونسي ليلة السبت الفارط للتهجم على نقيب الصحفيين ناجي البغوري بطريقة منحطة وركيكة جدا.
شارك رأيك