بن سلامة: “لا يوجد أيّ حزب سياسيّ قادر على إستقطاب جميع التونسيين”

كتب العضو السابق بهيئة الانتخابات سامي بن سلامة أمس الخميس 22 فيفري 2018، تدوينة على صفحته الرسمية فيسبوك، للتعليق على المشهد السياسي التونسيّ.

وقال بن سلامة : “جزء من الشعب التونسي تنجم تقول محافظ وما عندوش شكون يمثلو فعليا غير حركة النهضة…كان جزء منو راضي بالتجمع الي كان يحتكر الدولة والدين..

اليوم ما تنجم تغلب النهضة كان ما تفكلها خطابها… وهوما عندهم الحق كيف يحكيو على تصحر ديني لأنو أغلب الأحزاب ما تحاولش تقترب من هاك الناخب المتخونج البسيط وهذا ما يدفعو للإحساس بأنها غريبة عليه..

يعني الباجي لو كان جاء صغير وعمل حزب ينجم يستقطب جزء كبير من الناخبين متاعها.. لأنهم في أغلبهم تدينهم سطحي..بآية قرآنية ومثل تونسي..ونكتة تضحّك .. يتبعوه..

ووقتها كان تقلو هذاكة علماني وضد الدين..توة يضحك عليك وينجم يقلك الباجي صلى الله عليه وسلم..
الباجي مشى في التمشي هذا ولو بطريقة موش مكتملة بسبب عامل السن..وخروجو من حزبو…جابلهم شوكات وفريد الباجي…يعني كان ذكي بما يكفي باش يخدم عليهم وما يهملهمش..ولو أنو الزويز هاذوكم من أقذر ما فمة..

الخلاصة المحافظين هاذوما هربوا على الحركة وقت لقاو عرض يتماشى مع تطلعاتهم… واليوم رجعولها برشة منهم…

في الأثناء ما فمة حتى حزب تونسي فيه شخصية كاريزمائية تنجم تجلب التوانسة المحافظين هاذوما…وتطور خطاب تلقائي يستقطبهم…أغلب رؤساء وأعضاء الأحزاب يعملو في فورماسيونات بالفلوس باش يفهموا السياسة.. وهو ما فمة حتى حزب تونسي تقريبا فيه شخصية قادرة باش تجلب التوانسة بصفة عامة”.