القصاص : خسرتني في دليلك ملك …الرجلة و الشهامة عندها ناسها يا فهري”

علق النائب السابق في المجلس الوطني التاسيسي ابراهيم القصاص على مشاركته في برنامج دليلك ملك الذي يقدمه سامي الفهري على قناة الحوار التونسي .

و في هذا السياق نشر القصاص تدوينة على صفحته الرسمية جاءت كالتالي :

“بالحرام لا عاد فاهم شيء من هالعباد. اكثر من عشرين واحد باعثيلي عالخالص يعبروا عل شماتتهم
فيا على خاطر ما ربحتش في لعبة دليلك ملك. ياخي أني وقت الي مشيت غادي هزيت معايا حاجة والا وقت الي خسرت خليت ايد والا رجل في الستوديو.
هي لعبة ولعبتها ما زهرتش معايا في لمان. بالكم نهاية العالم…هو لا محالة الفهري وصاحبه حبوا يخسروني وتوة تتفرجوا عالحلقة.. عرف كيفاش يخدم بيا ويعمل الشو للبرنامج انتاعه.صحة ليه. اني ديما نبقى على نياتي ومستك..الي واجعني بالحق انو في يوم من الايام دافعت عليه في التاسيسي وموش هكة بركة تعاركت مع وزير العدل ساعتها البحيري على خاطره وزرت الفهري في الحبس وخرجته من المرناقية وهو عامل اضراب وحشي وجاته سيارة الاسعاف الي هزاته لشارل نيكول تحت اشرافي. وهذا الكل على خاطر اخته ورتني حكم براءة صادر عن القضاء التونسي وهو شخصيا يعرف كل شيء…الرجلة والشهامة عندها ناسها يا فهري.والناس الي شامتة هاوينه بلوكيتهم وربي يشفيهم من مرضهم. طول عمري عايش مع الفقر يعني اني واياه اصحاب .كان جات فلوس مرحبا وكان ما حبتش عنها ما جات واكهو…”