عرّج العضو السابق لهيئة الانتخابات سامي بن سلامة مرة أخرى على موضوع الحبر الانتخابي الذي تقرّر التخلي عنه خلال الانتخابات البلدية القادمة.
كما اطلق بن سلامة “هاشتاغ” “رجع الحبار” قائلا: “نرجعوا لحكاية الحبر الانتخابي…وهو الي يسميووه أصدقائنا أعضاء الهيئة حبر سري…
كثير من المغالطات والتمويه ومحاولات لاستبلاه الشعب التونسي..
1) موش صحيح الحبر تم إلغاؤوا في ميزانية 2015.
في 2015 ما فماش ميزانية مخصصة للانتخابات بل ميزانية تسيير عادي لأنو ما عناش انتخابات في 2015 علاش نشريو في الحبار ؟
2) موش صحيح صرصار خذا القرار من قبل…الهيئة هاذي برئاسة المنصري خذات القرار..وصرصار خاطيه..
الدليل الأول كان خذا صرصار القرار راهي انتخابات ألمانيا ما تعملتش بالحبار..
الدليل الثاني قرار إلغاء الحبار مصحح فيه المنصري وتاريخو 28 جانفي 2018….هذا محض كذب وضحك على الذقون..
3) الحبر يتكلف مليون دينار ويستوجب مصاريف إضافية.
الحبر ما يتكلفش أكثر من 700 ألف دينار ولا يستوجب أية مصاريف أخرى لأنها الحاجة الي تتكلف مصاريف هي توزيعو في الدوائر الانتخابية بالخارج…وأحنا في الانتخابات البلدية 2018 ما عناش انتخاب في الخارج…
4) الخبر يلزموا آلاف الأعوان نهار الاقتراع خاصين بيه.
كلام فارغ وضحك على الذقون لأنو السيد الي يعطيك تصحح وهو عضو مكتب الاقتراع يحطلك في نفس الوقت صبعك في الحبار…إلا كان الهيئة تلغي التصحاح على قائمة الناخبين بعد التصويت ويلزمها وقتها تعمل موظف للحبار… والا بصراحة الهيئة ما تعرفش الانتخابات كيفاش تصير…
………………………..
5) الحبر تحبلوا أشهر باش يجي.
هراء…الحبر ينجم يوصل لتونس في أسبوع من نهار تقديم الطلب بالتفاوض المباشر أو 10 أيام على أقصى تقدير وينجم في ظرف 3 أيام يكون موزع على جميع مكاتب الاقتراع
6) الحبر حتى كان شريناه مستحيل يخلط.
كلام فارغ…طائرة عسكرية تونسية…هذا كان كان خلات…تنجم جيبوا في أقصر وقت..
يظهرلي هكة ما عادش فمة حجة وواضح السبب الحقيقي لتنحية الحبار…#رجع_الحبار”
شارك رأيك