ليلى طوبال: “أحنا لا عنّا لا حسابات ولا عقابات، ماطامعين في شيئ…ومانستناو في شيئ”

علّقت الفنانة المسرحية ليلى طوبال اليوم الثلاثاء 27 مارس 2018، على الوضع العام للبلاد، في اشارة الى حركة النهضة.

وقالت طوبال في تدوينة على صفحتها الرسمية فيسبوك : “أحنا آش نوّه ذنبنا باش نعيشوا الهمّ الكل إلّي هابط على روسنا… أحنا إلّي لا عندنا لا حسابات ولا عقابات … أحنا إلّي مانا طامعين في شيّ… ومانا نستنّاو في شيّ … أحنا إلّي حلمنا ببلاد أخرى ممكنة… بلاد نحبّوها وتحبّنا… بلاد نخدموها ونعطويها احلى واكبر وأسمى وأنقى حاجة فينا باش نحطّوا يدينا وطاقتنا وجاشنا و نبنيو صرح عالي وقوي ومزيان … وفي المقابل مانا طالبين شيّ بخلاف نفرحوا ونشوفوا بلادنا لاباس… دموعها ممسوحة… جروحها برات… سماها صافية ونوار ربيعها فتّح …

ناس تحارب عالبلاد وناس تحارب فيها على قوّة جهدهم وبأبشع السبل… يمكن ذنبنا نحبّوك… يمكن ذنبنا ما زال عندنا أمل وعقاب حلمة ماناش مسلّمين فيها مهما تعبنا وتكدّرنا…”