علقت امس الاربعاء 15 ماي المسرحية ليلى طوبال على التشهير بالمفطرين في شهر رمضان .
و في هذا السياق نشرت طوبال تدوينة على صفحته الرسمية الفايسبوك جاءت كالتالي :
“علاش من نهار الأحد الأسود الي روٌح فيه الغنوشي كل شي تبدّل في البلاد… خاصة الحاجات الي كانت تتعمل من غير جوجمة وعرك وتنظير وتفلسيف وتفقهيج ووصاية … رمضان شهر عندو نكهة خاصة…
الي يصوم يصوم على روحو والفاطر يفطر على روحو … الصايم ما يتكولفش في الفاطر وفمة ناس فاطرين naturellement ما ياكلوش قدام الصايمين… فمة ناس فاطرة وتصدّق كل ليلة عشاء… ويشريو حوايج العيد لليتامة… ونهار العيد يدوروا يعيدوا… معناها الغلبة هاذي ما كانتش فمّة… ولينا العصيدة بدعة وصلاة العيد في الشطوط وعادل العلمي هاجم عالقهاوي ويصور في الفطارة ويشهّر بيهم والنَّاس الكل ولات ربوبية وتفتي على جدّ والدينا… تي حلوا على سمانا ما عندنا ما نصنعوا في حياتنا … ما عندنا ما نعملوا لبلادنا… صوموا على الكره والبغض والتنوفيق وهزوا يديكم عالبلاد والعباد وخلّيو كل واحد حرّ في روحو ونهار الي باش يتحاسب موش باش يعطلّكم تشفعوا فيه…”
للاشارة فان بعض المتشددين يقد شنوا العام الماضي حملة تشهير ضد المفطرين في شهر رمضان .
شارك رأيك