علقت مساء امس السبت 26 ماي النائبة صابرين القوبنطيني على قصة غلق المقاهي في حي النصر و التي سبق و ان نشرتها على صفحتها الرسمية الفايسبوك .
و في هذا السياق نشرت قوبنطيني تدوينة على صفحتها الرسمية الفايسبوك جاءت كالتالي :
“فمة كلام ما حبيتش نكتبوا خاطر فيبالي ما يهمش برشة الرأي العام، اما كي ولات فيها مغالطة باش نحكي بالفرشة …
البارح كي جاتي الخبر متع الغلق من اصحاب المقاهي ومواطنين على عين المكان اتصلت بعديد الاطراف الممثلة للسلطات المحلية والجهوية وهاو اش فمة:
المعتمد الاول قالك عندنا برقية نطبقوا فيها وكل المقاهي تغلق دون استثناء في ساعات الصيام اما العنف ضد المواطنين مرفوض.
المعتمد قالي ان الغلق حسب البرقية لا يخص الا المناطق الشعبية.
المركز يقلك جاتنا معلومات اللي فمة شراب في القهاوي هذاكا علاش سكرنا وطبعا طلع ما فماش.
امالي القهوة قالك هزونا صححنا التزام مع المواطنين الي غادي خاطر جاتهم برقية وممنوع تحل في رمضان. وطبعا ما فمة حتى ورقة مدوهالهم تثبت العملية هاذي.
بالنسبة لقصة ايقاف السبعة المفتش عنهم هاذيكا تمت حسب السلطات المذكورة اعلاه في بو أحمد في أريانة موش في حي النصر وقالك سكروا القهوة خاطر فيها قمار.
جاتني معلومة مبعد انو تمت مداهمة مقهى اخر بحذا Magro اريانة وصارت زادة مناوشات مع الامن ”
للاشارة فقد افادت القوبنطيني اول امس في تدوينة نشرتها على صفحتها الرسمية الفايسبوك انه تم اقتحام عدد من المقاهي و ايقاف 7 شباب بسبب المجاهرة بالافطار في رمضان.
شارك رأيك