علق امس السبت 23 جوان الجامعي عادل اللطيفي على خسارة المنتخب الوطني ضد بلجيكا امس في فعاليات كاس العالم لسمة 2018.
و في هذا الاطار نشر اللطيفي تدوينة على صفحته الرسمية الفايسبوك جاءت كالتالي :
“نتمنى لتونس نتائج خير من هكا طبعا ويفرح الشعب. لكن للأسف وضعنا شعارو: ردائتي ردائتي وان جارت عليا. البخور والجاوي ما نفعوش بن علي وليلى والتأسلم الفرجوي الاخواني المبالغ فيه (موش الإسلام العادي) ما نفعش في تونس باش ينفعنا في كاس العالم في روسيا. التقدم يتبنى بالعقل…. هاذيكا كورتنا وهاذيكا عقلية مسؤولينا….
الخسارة واقع مؤلم لكن باهي. ربما خلتنا نتفادوا مشهد عودة احتفالية كاريكاتورية برداءة معلول والجري وهوما نافخين رواحهم….يعني عبارة على مشهد عودة حافظ قائد السبسي في غرة جوان 1955 راكب على حصان والشعب داير بيه بعد النصر….تونس الذكاء في غيبوبة والبلاد يرتع فيها كان البهيم وخوه بفضل الطماع وخوه….تقللي الحل؟ نقللك الذكاء لازم يتحمل مسؤوليتو ويخرج من الغيبوبة الانهزامية ومن التسيب وينخرط في مبادرات للخروج من الرداءة…على فكرة، الذكاء هنا هو العقلانية….باش جماعة “جيب شلاكتك وألحق” يشدوا بلايصهم….”
شارك رأيك