طوبال : “الناس إلّي هابطين يتظاهروا ضدّ تقرير الحريات …غايبين وقت تونس تنزف مالارهاب”

عبرت المسرحية ليلى طوبال اليوم الجمعة 3 اوت عن مساندتها المطلقة لرئيسة لجنة الحريات الفردية و المساواة  بشرى بلحاج حميدة اثر الحملة التي شنت ضدها.

و في هذا السياق نشرت طوبال تدوينة على صفحتها الرسمية الفايسبوك جاءت كالتالي :

“الجموع عندها مدّة تسخّن لنهار اليوم باش يتظاهروا ضدّ “قانون بشرى يلحاج حميدة” … التجييش الي صاير والي مبني على الزّيف والبهتان والكذب وتشويه التقرير من نوع ووه غلبتها آكة بشرى تحبّ تنحّي الطهارة… كيفاش اولادنا ما يطّهروش؟؟؟… ياخي النكاح ما يبدى حلال كان بالطهارة… وآكة بشرى تحبّ الرجال يعرسوا ببعضهم … تي خلّيو نكاح الوليدات الصغار بالسترة… وآكة بشرى… تحبّ تمسح أفّام الرجال من حقّهم الشرعي في الميراث… تي هي تقتوفة وتحبّها تتقسم بالشطر… هاذم عيّنات والّي صاير والّي يتقال أمرّ وأفضع وأعنف…
خلّي عاد من هاشمي الحامدي ألّي باش يتظاهر قدّام المسرح البلدي اليوم… ما عينيش باش نخسر عليه كلمتين
الناس هاذم إلّي هابطين يتظاهروا ضدّ مشروع الحريات الفردية والمساواة إلّي شوّهوه من غير ما قراوه … ما رينالهمش وجه وما سمعنالهمش صوت وقت تونس تنزف مالارهاب… وقت تونس تحارب باش تعيش… تهزّ وتسبط في راسها باش تاقف… هذاكة علاش ما ينجّم حتى شيّ يجمعنا… À notre grand bonheur
تذكير: راهو ربّي يحرق بالنار ويشنق من شوافر العينين الكذاّبة والمنافقين”