الجودي :إلي تلمو الدولة بيد تعطيه باليد لخرى! كان إنكملو هكا، ماعتش بش نلقاو لا تربية و لا صحة و لا حتى ضوء و ماء!

أكد الخبير المالي معز الجودي ان نسبة الاجور مرتفعة في بعض الوزارات مقابل انخفاض نسبة الاستثمار .

وقال الجودي في تدوينة على صفحته على موقع التواصل الاجتماعي “فايسبوك ” وعلى هامش مداولات مجلس النواب حول ميزانية الدولة و الوزارات “ان الارقام مفزعة و تتكلم وحدها”.

واضاف :ما نعرش إذا كان النواب إلي قاعدين إيصوتو فاهمين وواعين بخطورة الوضع أو لا؟!

وفي ما يلي نص التدوينة 

قاعد إنتابع في مداولات مجلس النواب و النقاشات حول ميزانية الدولة و الوزارات.الأرقام مفزعة و تتكلم وحدها!!؟ّوزارة على وزارة، تلقى نسبة الأجور في ميزانيتها إتمثل 90% و أكثر و نسبة الإستثمار و التنمية 6% و 5% فقط و حتى 4% بالنسبة لوزارة التربية مثلا!؟ ما نعرش إذا كان النواب إلي قاعدين إصوتو فاهمين وواعين بخطورة الوضع أو لا؟! يعني البلاد هاذي ماهيش قاعدة تبني و لا تتطور و لا تقدم، و إلي ما إقدمش إوخر!!! يعني زادا إلي جايبو النهار مديه الليل، و إلي تلمو الدولة بيد تعطيه باليد لخرى!! كان إكملو هكا، ماعتش بش نلقاو لا تربية و لا صحة و لا حتي ضوء و ماء!! إذا ما تطورش البنية التحتية متاعك و ما تمولش الصيانة و تشري آلات و معدات جديدة و تبني و تشيد، إذا ما تعملش هذا الكل، تبرك البلاد و إضيع المواطن! و زيد على هذا، ما إخليوش القطاع الخاص يخدم و يكبلوه بالضرائب و الأدءات و إعرقلوه و يتهموه بشتي التهم؟! شنيا هالحالة بربي؟! شنوا هالوضع البائس؟! على مراد الله، الصبر و برا !