علقت الاستاذة والمديرة السابقة لمعهد الصحافة وعلوم الاخبار سلوى الشرفي على الخطة الجديدة التي طالبت بها رئيسة هيئة الحقيقة والكرامة منتهية الصلوحية سهام بن سدرين.
وقالت سلوى الشرفي متحدثة عن بن سدرين :”خلقت خطة جديدة لنفسها اسمها “مصفية” باش تصفي الحسابات وخاصة باش تواصل التمتع بشهرية قمقومة ونفس الامتيازات ومواصلة انعقاد جلساتها في اي وقت”
واضافت في تدوينة فايسبوكية :”يعني نوع من الرئاسة مدى الحياة حتى نقرقشوا اللي بقى في قاع كاسة الدولة”
وفي ما يلي نص التدوينة:
سهام بن سدرين متاع هاك الرويق اللي اكثر من نصفه الاساسي لم يتم، انهت مهمتها رسميا لكن هيهات مازالت تقول هات.
خلقت خطة جديدة لنفسها اسمها “مصفية” باش تصفي الحسابات وخاصة باش تواصل التمتع بشهرية قمقومة ونفس الامتيازات ومواصلة انعقاد جلساتها في اي وقت. يعني نوع من الرئاسة مدى الحياة حتى نقرقشوا اللي بقى في قاع كاسة الدولة. و لا، مصح عينها ، طالبة من الحكومة نشر هذا القرار في الرائد الرسمي. يعني سهام دولة على حالها تشرع وتنفذ و تقاضي وتحديدا دولة مستبدة مستحوذة على السلط الثلاث.
رئيس الحكومة لم يستسغ الامر وهو مخالف للقانون، لذلك احال النص الى مجلس النواب لاتخاذ اللازم. والمجلس اذا سلم في مهامه يجعله يتخذ.
طردوا بن علي جابوا بن سدرين.
شارك رأيك