نشرت الممثلة المسرحية ليلى طوبال اليوم الإثنين 12 أوت 2019 تدوينة على صفحتها الخاصة بالفايسبوك توجهت بها الى عبير موسي قائلة لها “وانا موش مستعرفة بحزبها”
وذكرت طوبال أن هذه التدوينة هي رد على إحدى مدخلات عبير موسي التلفزية والتي قالت فيها ” ماناش مستعرفين ب 14 جانفي متاعكم”.
وفي التالي نص التدزينة :
السيدة عبير موسي في احدى مداخلاتها قالت: “ماناش مستعرفين ب 14 جانفي متاعكم “
وانا موش مستعرفة بحزبها… وما زلت على العهد للشهداء والجرحى اليٌ حرروا البلاد وماتوا تحت الكرطوش وهوما رافعين شعار يسقط حزب الدستور يسقط جلاد الشعب … وكانك عالنهضة… بالسيدة موسي ولا بلاش… لعبنا الدربي راس وراس وربحنا على خاطر خفنا على بلادنا وحمينها من المشروع الظلامي لانا طامعين في مناصب ولا حاجتنا بكراسي وما خذينا الأوامر من عند حدٌ وما شاورنا حدٌ وما ستنينا حدٌ… البارح واليوم وغدوة عركتنا لا تبدلت ولا تغيرت من اجل تونس مدنية ديمقراطية حرة وعادلة… تونس الي قاعدة تتبنى بدم الشهداء وتضحيات المناضلين … ودموعنا ووجيعتنا وصمودنا وأملنا في المستحيل…
الٌي صفٌقت وزغرطت للديكتاتورية ما يجدٌش عليا الي قلبها على البلاد ومشكلتها الوحيدة تحب تنقذ تونس من انياب ومخالب النهضة…
الإمضاء: ثورجية … كيما تسمينا السيدة موسي
شارك رأيك