على اثر بث مساء امس الإثنين 2 أكتوبر 2020 تحقيق في الحقائق الأربعة على الحوار التونسي بخصوص صفقة ال 18 مليار لإدخال 121 الف طن زبلة من ايطاليا لتونس، تفاعلت الفة التراس النائب عن جهة بنزرت و كتبت اليوم الثلاثاء ما يلي:
“كنت شاهدت، برنامج الحقائق الأربع الي تم بثه ليلة البارحة، وين تم الكشف على شبهة جريمة خطيرة ضد البيئة في تونس.
ما كفاناش النفايات الي معبية أرضنا وبحرنا وعجزنا على حسن التصرف فيها، نزيدو نستوردو أطنان أخرى ما نعرفوش شنوا مصيرها.
وعليه، بش نوجه مراسلة لسيد وزير الشؤون المحلية والبيئة وأخرى لسيد وزير المالية والإقتصاد ودعم الإستثمار بش نطلب منهم أكثر توضيحات في الموضوع وخاصة نحملهم مسؤوليتهم كاملة إذا مايتمش إعادة هالنفايات من أين أتت و تتبع المذنبين إذا صح الموضوع.
نعتبر الي تم بثه البارح هو إعلام بشبهة جريمة والنيابة العمومية لازمها تتحرك وتفتح تحقيق في الموضوع وهذا بش يكون محور مراسلة ثالثة لسيد وزير العدل.
ليوم وقيِّت زجر الاعتداء على البيئة
#فضيحة_الزبلة
#زجر_الاعتداء_على_البيئة
#السيادة_البيئية عضو مجلس نواب الشعب
#ألفة_التراس”.
شارك رأيك