عاد النائب منجي الرحوي مساء اليوم 26 جانفي 2021 خلال الجلسة العامة المخصصة لمنح الثقة من عدمه للوزراء المقترحين من هشام مشيشي الى يوم منح الثقة لهذا الاخير ليذكره بانه قد تم التصويت على حكومته لكي لا يقع حل البرمان و “اعطاو في الحقيقة الثقة لأنفسهم باش يتحكموا في المشهد و بقطع النظر عن من سماك، و المفروض اتكون معاه، اما انت اليوم في نظر الشعب غدار و ما تتامنش خاطرك غدار”.
و يواصل: “انا اتوقع بل متاكد انو حكى معاك على الفساد وانت اليوم انقلك الي الناس الي منحوك الثقة منحوها لانفسهم، موش ليك. انت اليوم في مستنقع الكناطرية و الارهاب و التهريب الي خربوا تونس 10 سنوات، انت اليوم في مستنقع راشد الغنوشي و بطانته الي ما يهمهمش نزاهة القضاء و التعليم و أمعاء الناس، انت في المستنقع و انت اخترت المسلك خاطر اكيد انو فما ناس باهين حكاو معاك و نصحوك و انت ما خذيتش بالنصح”.
و يضيف منجي الرحوي مخاطبا هشام مشيشي أمامه: “الكرسي الي قاعد عليه امسخ و سندفعك اكثر لتغرق في مستنقع هؤلاء الي خربوا الوطن و جوعوا الشعب في كل القرى و الأحياء الي تنتفض بجوعها و بقهرها و من الظلم و كما ثار على المؤسسة من قبل سيقوم ضد هذا المجلس و رئيسه و باش ايجيوك غدوة للقصبة، ضد السلطة الفاسدة غير المتقلقة من الفساد، دزوك و قالولك امشي لكسر العظام و انت اليوم تمشي محمي بالمدرعات”.
شارك رأيك