القليبي: “بحجة لا دستورية القوانين الي تحاكموا بيها، ما تستغربوش كان مخلوف يزدم على حبس والا محكمة باش يخرج جماعتو”

على اثر أحداث بما سمي ب”غزوة المطار” يوم أمس الاثنين 15 مارس 2021 و ما تردد حول اجراء منع السفر المعروف بالمصنفين الS17 و الفصول الجزائية و بعدم السعي لتنقيح النصوص اللادستورية، كتبت سلسبيل القليبي أستاذة القانون الدستوري مساء اليوم الثلاثاء 16 مارس نصا نشرته على حسابها الخاص بصفحات التواصل الاجتماعي الفايسبوك تعليقا جاء فيه ما يلي:

“هذا إلّي يصير وقتلّي الدولة تعمل على إضعاف نفسها وموقفها وتلقى روحها في وضعية ما ينجّم يدافع عليها حدّ حتى وقتلي تبدا في حالة “دفاع شرعي”

من 2014 تاريخ صدور الدستور الجديد لا المجلس النيابي الأول ولا المجلس الحالي حرّك ساكن باش ينظّفو المنظومة التشريعية المخالفة للدستور ولّي فيها اعتداء على الضمانات الدستورية المتعلقة بالحقوق والحريات

المسألة ما تتعلقش فقط بإجراء منع السفر المعروف بال S 17 نفس الشيء بالنسبة للأمر عدد 50 – 1978 المتعلق بحالة الطوارئ وبحزمة من الفصول للمجلة الجزائية ومجلة الاجراءات الجزائية وغيرهم برشة، الكلهم مخالفين للدستور

القوى “السياسية” الباركة على البرلمان ما يساعدهاش تعالج الأمر بطريقة جذرية وتعمل استراتيجية تنقيح النصوص اللادستورية على خاطر بكل بساطة قضية الحقوق والحريات ما تعنيهاش ونهارت إلّي باش تستفرد بالحكم توّة تحطّنا الكل في طابونة، القوى هاذي تفضّل تخلّي الأمور هكّاكة باش تولّي مسألة “الدولة الضالمة” والقوانين السالبة للحقوق والحريات ورقة يتهدّدو بيها على الدولة وقتلّي تخلى على روسهم

ما تستغربوش غدوة كان المخلوف يزدم على حبس وإلا محكمة باش يخرّج جماعتو بحجة لا دستورية القوانين الي تحاكمو بيها”.