في تدوينة نشرها اليوم الثلاثاء 20 افريل 2021 على صفحته الرسمية بالفايسبوك، رد المحلل السياسي كما لم يرد أحد من قبل على النهضة التي كلفت بمهمة قذرة النائب راشد الخياري فسرب مساء امس أخبارا زائفة تتهم رئيس الدولة حتى بملفات استخباراتية لتشويهه ظلما و بهتانا. و في ما يلي مقطع من تدوينة الكحلاوي:
المخابرات الامريكية تغصرت ما لقاتش كيفاش بش تسرب “ملف” اخي اخترقها وفرض عليها بنادري في السلامية تسربلو ليه هو…. و”الملف” فيه “تحويلات مالية مخابراتية عبر البنك المركزي” (السي اي اي الغبية… سارق وفي يدو شمعة)… و”الدليل” تسجيل صوتي منسوب لولد قيس سعيد في حين ماهوش صوت ابن قيس سعيد… وفوق هذا الي قالو استسناخ “منقول” عن نص منسوب لحزب “شعب يريد” ناطقو الرسمي كان في 2019 في حملة يوسف الشاهد (وبش يطلع الدوسي بيدو كان في القصبة من وقت الشاهد وعطاه المشيشي للغبي وخوه) … وهذا الكل لان المخابرات الامريكية قررت قطع الطريق على تشي غيفارا تونس نبيل القروي… والذباب ينعم ويبرتاجي… نفس اساليب الصحف الصفراء المخابراتية متاع بن علي زمان متاع القصص الخيالية بدون اسانيد المليئة بالسب والتخوين… وهو نفس طريقة التشويه متاع صحيفة صفراء اخرى”الغنوشي عندو 2700 مليار” الي سبق اني انتقدتها وسفهتها في الاذاعة…
ما هذا العفن والانحطاط والبهائمية؟!
يعني كل مرة تبعثلو احد التياسة بش يسب ويخون ومبعد تقول كيفاش يعيط ويهدد؟! اضافة الى ان كل يوم تقريبا عضو مكتب تنفيذي يكتب تدوينة فيها شتم وسب وتخوين ايضا، مبعد يحتجو كيفاش “رافض للحوار”؟! وتوة في هذا الوضع بيان رسمي لحركة النهضة يزيد الماء ويزيد الدقيق، يعني حملة منسجمة…
قيس سعيد مليء بالاخطاء لكن اكبر مسانديه هم بعض الحمقى ممن يسبونه ويشوهونه، ويدفعوننا دفعا للدفاع عنه.
وبالمناسبة بعض الاسلاميين (حتى لا نعمم مثل بعض الناس) ما يحرموش الكذب والتشويه كيف بقية المسلمين؟! والا عندهم تفويض رباني خاص للكذب والتخوين والتشويه؟!”.
شارك رأيك