في تدوينة نشرها مساء الاثنين 17 ماي على صفحته الرسمية بالفايسبوك، قال الدكتور زكرياء بوقيرة ما يلي حول إستئناف الحياة العادية في تونس…
“نواصلو في النفاق.
غدوة ترجع القراية والخدمة والكار والمترو وبعد أسابيع كي ترجع الكورونا تنتشر يخرجولنا السياسيين وجماعة اللجنة العلمية يبكيو ويسبو في الشعب الي ما يتبعش في البروتوكول
توة بش نشوفو مزيد من الانفراج في الارقام وهذا دليل مرة اخرى اننا نجمو نقتلو الكورونا وترجع حياتنا طبيعية.
الحلول موجودة والكورونا موش قضاء وقدر.
كان نحبو نمحيوها من تونس نجمو.
اما هذا كان جينا نحبو.
وهذه هي المشكلة.
الي يحكمو فينا ما يحبوش يوقفوها.
مازالو مواصلين في نفس سياسة التعايش القاتلة متاعهم.
مازالو قابلين يضحيو بينا.
ال11000 الي ماتو عندهم مجرد رقم تو نستانسو بيه كيما ستانسنا بال100 وال1000.
هذه حقيقة عيشتنا.
عايشين في بلاد حكامها قررو انه حياتنا وحياة عائلاتنا ما تسوى شيء حتى شيء.
ما اخيبها تونس متاعهم ما اخيبها.
قداش بش نزيدو نحملوهم ؟
وقتاش بش نفيقو على رواحنا؟
حجرصحيشامل”.
شارك رأيك