الكحلاوي: “الي قاموا بالاعتداء على عبير، لاهم توب رجلة لا ثوريين، هوما شلايك و مشبوهين” (فيديو)

في تعليق له اليوم الخميس 1 جويلية 2021 على موجات إفم IFM حول اعتداء مساء أمس الاربعاء 30 جوان النائب الصحبي سمارة و النائب سيف الدين مخلوف في حرم البرلمان على عبير موسي، قال المحلل السياسي طارق الكحلاوي ما يلي:

“ماتنجمش تقولي “توب رجلة” وتمشي تضرب مرا. عبير موسي حبت الي يصير يصير وبش تستثمر في وضعية الضحية وهذا علاش الي عمل العملة اما غبي او مشبوه. و حبيت التعهد اللقائي للنيابة، كيف زادة النائب الفار يقصد راشد الخياري، المشيشي منافق حاشتو بحزام بش يقعد في القصبة ومش بش يلاحق حتى نايب ونفس الشي لجنة الحصانة. الي صاير يشوه الثورة ويخلق الظرف المناسب لمزيد تمدد عبير، الناس ماشية لعبير و ريت الي سجلت نقاط اضافية و النهضة خسرت نقاط. وحزام المشيشي معني بالتعيينات وماحشتوش بحتى اصلاح وهو قاعد يطيب لصعود عبير. المشيشي حاجتو ببهم، يحمي في الشلايك الي لا علاقة لهم لا بالثورة و لا الديمقراطية و لا الرجلة… متعاركين في الظاهر لكن في الاساس يخدمو في بعضهم. تحبو أناقش بجدية الصناديق الاستثمارية ونحطوهم الكل للتقييم من القطري للفرنساوي تفضلوا اما تقوليش وطني وانت مركز كان على القطري ومطفي الضو على الفرنساوي”.