“ما أحلاها النهضة كي تحِن!”

في هذا القصيد بالدارجة التونسية الشاعر يرد على ما ورد في المؤتمر الصحفي الأخير لحركة النهضة الإسلامية الذي قال اليوم أنه من اللزوم أن نركز على “قضايا الوطن” وفي مقدمتها جائحة الكورونا… على ماذا كان الإسلاميون مركزين قبل اليوم ؟ على المراكز و المواقع والغنائم والتعويضات المالية ؟؟؟

شعر لزهر الضاوي

محلاها النهضة كي تحِن..؟!!

محلاها النهضة كي تحِن…

وترجع تحكي ع “الوطن”..؟!!

وتفكر في هموم الناس..ذ

اللي نستهم عبر الزمن..؟!!

اللي نستهم وقت “التكفير”..

وقت ” التكبير” و”التسفير”..ذ

و “الزّمقتال” و “النفير”..

وشيوخ الدم والفِِتن ..؟!! ذ

اللي نستهم وسْط “الدّمّار “..

و الحلم اللي بنوه..و طار..

والشعب الْ في بالو ثار..

يلقى روحو في العَفن..؟!!

واليوم محلاك يا .. ” حْبيْبتنا”..؟!!

جايّة تحْيينا كي متنا..؟!!

وسكّينك قاطع رقبتنا..

احشم عاد..يزّي بلا خْنَنْ ..؟؟

توة فُقتي بتعاستنا..؟؟

وانتي هيّ سبب نكبتنا..

ريتي “الكورونا”.. قتلتنا..

جايّة تهدي لينا “كفِنْ” ..؟؟!!

احشم عاد.. يزّي بلا خْنَن..؟؟

احشم عاد.. يزّي بلا خْنَن..؟؟

لا عاشْ.. من خان الوطن”..!!