ردا على التصريح الأخير للنائب المجمدة سامية عبو عن التيار الديمقراطي، نشر جوهر بن مبارك، استاذ القانون الدستوري اليوم الثلاثاء 10 أوت 2021 تدوينة فايسبوكية يقول فيها ما يلي:
ترجمة:
هو “تسحيت مسار” و نجمو نقولو عليه حتّى “انقلاب مخفف و sympathique” نشجّعوك عليه أمّا على شرط بعد ما تصفّي “الجماعة هاذوكم” ترجعلنا أمورنا و البرلمان و الدستور و هاذا و هاذاكا … و لا مجال للاستفراد بالحكم.
تعليق:
صحوة…امّا دويو هذا تفوريخ و عبث و استهزاء بالإنقلابات. “يا مادام” الإنقلابات راهي حاجة جدّية و موش تفركيح و تفروريخ متاع نحبّو انقلاب على القياس مواتي متاع خوذ و هات.
عبرة:
“قطار المبادئ انطلق و اقفل ابوابه فلا عزاء للأغبياء”
هذا و كانت قد صرحت سامية عبو في برنامج 90 دقيقة في اذاعة إف م بما يلي “لا نحبو دولة النهضة ولا دولة قيس سعيد نحبو دولة الشعب دولة القانون والمؤسسات.
مش من حقو قيس سعيد أن يفشل في مكافحة الفساد السياسي ودفع الخطر الداهم .
لازم إنحيو الداء من البرلمان مش إنحيو البرلمان وهذا الكل في إطار الدستور والقانون .
لا سبيل إلى الإنقلاب على الدستور والذهاب نحو دولة الشخص”، أكثر التفاصيل في الفيديو.
شارك رأيك