انطلاقا من هذه المقولة، كتب فوزي بن عبد الرحمان وزير الشغل سابقا تدوينة نشرها ظهر اليوم الأربعاء 25 أوت الجاري حول تجربة الديمقراطية التي لم تجد بعد طريقها في عديد البلدان و التي عبر عنها المسرحي توفيق الجيالي على طريقته اللاذعة و الهزلية في آن واحد:
“هاك العام سي توفيق الجبالي المثل الأعلى عندي عمل مسرحية على الديمقراطية و قال كلمة ما زالت ترن في وذني..
قال الديمقراطية ما توالمش البلدان السخونة.. ما تنجم تتوالم كان مع البلدان الباردة.. كلامو صحيح برشا.. أعملو طلة على كتب الجغرافيا.. توا تشوفو اللي كلامو صحيح.
شوفو اللي صار في تونس الصيف متاع السنا جاتنا سخانة قياسية…. هي السخانة جات منا و الديمقراطية هربت من هنا .. هاو نقلكم انا، مقتنع بكلام سي توفيق.. راهو الديمقراطية ما ترجع كان مع البرد.. و مع الشتاء..شهرين اخرين و الا ثلاثة و تبرد الدنيا و ترجع أمورنا..
الكلو من السخانة، الديمقراطية ما تحملش السخانة.
برا نكملو نتفرهدو و نبحرو و نعرسو و ما نحطو شيء في بالنا.. عدك بيه الشتاء… ترجع الديمقراطية في طمبكها في جانفي و هذاكا علاش ديما تاكل بعضها في جانفي على خاطر تجي فياضانات متاع ديمقراطية..
و زيد ناس بكرى قالو قد ما يجي الصيف سخون قد ما يجي الشتاء بارد.. ربي يستر من شتاء العام الجاي…
الله يهديك يا سي توفيق حتى عنصر التشويق نحيتهولنا”، وفق ما نشره.
شارك رأيك