في تعليق له حول ما يتداوله بكل أسف و تحسر الصحفيون منذ يومين بخصوص البرمجة الجديدة للإذاعات و للقنوات التلفزية التي، طمعا في البوز و في صناع القرار في عالم الاشهار، فتحت الابواب على مصراعيها للممثلين وللمغنين و غيرهم و صدت نفس هذه الأبواب في وجه أهل القطاع…
و بعد تعليقه، توجه عاطف بن حسين للصحفيين باقتراح، ألا وهو تغيير السيستام الخارب الي دڨدڨ الثقافة و الإعلام و قال:
“الأصدقاء الصحفيين و الإعلاميين كل عام يصير معاكم نفس الشيء ألا وهو احتجاجكم على البرامج الي يؤثثها ممثلين و الا مغنين و الا الي هو… و كل عام ما يجاوبكم حتى حد و تتواصل نفس المهازل….
حبيت نعرف أنا صديقكم اش تستناوا من مؤسسات اعلامية أغلبها مورطة في الفساد للعنكوش.. المؤسسات هذي يحكم فيها المستشهر عن طريق شركات الاتصال (الي هي في معضمها شركات اجنبية يعني تنفذ في أجندات و آخر همها الثقافة و الإعلام) و شركات سبر الآراء الي هوما يحكموا فيهم شكون يجيبوا و شكون ينشط و شكون يشطح و شكون يغني و شكون يمثل….. توة صحفي بشهادتو و متميز اش يعملوا بيه ماهو ساهلة برشة الحكاية جيب شكون يسمعوه و يتفرجوا فيه الناس و الناس يتفرجوا و يسمعوا هذوكم، هذوكم يخرجوا في عمليات سبر الاراء متاع نسبة المشاهدة و الاستماع…. هذوكم متاع البوز و مسابقة أحسن مأخرة و ممثلين التارموز و مغنين السطوحات و الخماسة و الصبايحية…. انتوما اش مدخلكم في الموضوع ياخي قريتو باش تميعوا قضايا بلادكم عند المأجورين في وسط مؤسسات فاسدة؟؟؟؟ ياخي هذوما تلافز خاصة معضم ماليكيها عندهم قضايا فساد متاع مؤبد و الا انا غالط؟؟ هذم مؤسسات اعلامية تحتكر البث و الإنتاج و قالبين جل المنتجين و اماليهم متهربين ضريبيين…. قريتو باش تخدموا معاهم ؟؟ اش مدخلنا فيهم؟؟؟؟ سيب عليكم من الموضوع هذا و هات نشوفوا تغيير جذري لهذا السيستام الخارب…. السيستام الي دڨدڨ الثقافة و الإعلام…. و شكرا.
عاطف بن حسين”.
شارك رأيك