الشعارات المرفوعة كالآتي: “يا قيس فك عليك الدستوري فايق بيك”، يا بودن قاعدة تغطّي عل الخنن،”، “يا بودن عار عار الأسعار شعلت نار”، “شرف الدين عار عار قاعد تحمي في الخنار”، “شعب تونس شعب حر لا ايران و لا قطر”…
النقطة التنويرية، استهلتها عبير موسي بالتمنيات بالفوز لنسور قرطاج على حساب منتخب الجزائر في نهائي كأس العرب، فيفا قطر 2021:
“نشالله تونس تنتصر غدوة في نهائي مونديال العرب و تفرح التوانسة على الأقل فرحة حقيقية مش واحد يقول كلمتين تخرجوا تزمروا”.
” برشة ناس قالوا مش وقتو الاعتصام نحبوا نقولولهم إللي نعملوا فيه في صميم المصلحة العليا للبلاد
التوانسة يستنّاو في انفراج اقتصادي و في انفراج اجتماعي و في ما يسمّى “إصلاحات” و يستنّاو في oxygène..
5 أشهر و ما شفنا شيء
رئيسة حكومة حايرة في ورقة بش تقراها و رئيس سلطة تصريف الأعمال يخرج يسب الناس الكل و حياة التوانسة ما يحكيش فيه و الميزانية ما ي
الجوقة اللي تطبّل و تهلّل و إللي قاعدين يلعبوا في دور التطمينات و قالوا 17 ديسمبر الرئيس بش يزلزل الأرض تحت أقدام الخوانجية ياخي جبد بيهم و خسر عليهم بيان متع “صعود شاهق”
في 2021 احتفلوا مرتين ب “الثورة” و في مقابل ذلك الحزب الدستوري الحر ملوّح في الشارع في البرد و الصرد
في 2011 الخوانجية استعملو عمادة المحامين و دار المحامي بالكشي اليوم يحبوا يستعملوا عمادة المهندسين
نشموا في ريحة قذرة.. جماعة “مبادرة ديمقراطية” و”مواطنون ضد الانقلاب” ما علموش بالاعتصام في الاجال القانونية و ما طبقتوش القانون عليهم.. عاملين” اهوكة انت اعمل روحك معارض و انا نعمل روحي نقمع فيك و إللي بش يتقمع هو الحزب الدستوري الحر و يرتاحوا منو
أنصار رئيس سلطة تصريف الأعمال يتصرفوا كمواطنين درجة أولى و رينا المحابات
منين التمويل متع حراك 25 جويلية ؟ مراول و لافتات و كيران و sono و ماريناش مضايقات.. شكون عمل الإعلام عن النشاط؟؟؟
ما ريناش احتفالات ب 17 ديسمبر و ما ريناش ناس فرحانة و رينا وزير الداخلية يتفقد في الاحتفالات
الخوانجية اليوم تلمّوا بالمستقيلين و من غير المستقيلين و ماهمش يتحركوا باسم الحركة متاعهم و يتحركوا تحت غطاء المجتمع المدني و براشوكاتهم
احنا طالبين حل البرلمان و المرور لإنتخابات و حكاية تعليق البرلمان عام آخر مستفيد منو رئيس سلطة تصريف الأعمال…” عن فاضل بن صابر.
شارك رأيك