بعدما اثارته من جدل عدة احداث تحبط من عزائم الشباب و آخرها ايقاف مساء الجمعة 29 أفريل 2022 الحبيب البي المشهور ب”كسكروت البي” و حجز عربته، كتب فاضل عبد الكافي رئيس حزب آفاق تونس ما يلي على صفحات التواصل الإجتماعي بالفايسبوك:
“مانيش باش نعلّق برشا، أما قصّة حبيب البي و street food في باب الخضراء البارح ، ولا نادر بن صغيّر و الdrone في بنزرت، ولا الشاب اللّي حكيت عليه عمناول اللّي توقّف على العملات الرقميّة، هي قصّة شباب نقابل فيهم كل يوم في ربوع تونس، كل واحد في ميدان مختلف، في مدينة مختلفة، و مع عرقلة و مشكلة و ترخيص مختلف، أما هي قصّة وحدة، حكاية وحدة وحلم واحد، لشباب و شابّات توانسة يحبّو يعيشو في بلادهم، يبدعو فيها و يحلمو بمستقبل ما خير فيها.
للشباب هذا الكلّ، نحب نقلكم:
أنا معاكم و باش نكون ديما معاكم، اليوم و غدوة، خاطر أنتم تونس، أنتم المستقبل و أنتم اللّي تخلّيوني كل يوم نحلم بتونس خير من هكّا.
ما نسلّموش المستقبل_قدّامنا
فاضل عبد الكافي، تونس تتبدّل بجرّة قلم”.
شارك رأيك