بعبارات جدا مؤثرة، المسرحي رؤوف بن يغلان ينعى صديقه هشام رستم: “انت مشيت و حقك ما خذيتوش”

بعد مرور يومين عن مواراته التراب بمقبرة ڨمرت (المرسى)، نشر رؤوف بن يغلان تدوينة نعى من خلالها صديقه هشام رستم الذي غادرنا مؤخرا. و في ما يلي ما كتبه رؤوف بن يغلان عشية اليوم الجمعة 1 جويلية 2022:

“صديقي هشام رستم . هشام ، لأوّل مرّة نحس بروحي قدّامك عاجز على التعبير و نقلّك اللي نحس به . سامحني مازلت تحت الصدمة . صدمة خبر وفاتك. الله يرحمك وينعّمك و يجعلك من أهل الجنّة . هشام، الناس الكل ما يقولو عليك كان الخير كان الباهي، حنين ، généreux ممثل كبير ، قدرك عالي . مثقّف ، متواضع مع الناس الكل ، تتعب برشه علي خدمتك و حريص عليها ياسر ، مبدع خلوق ، طيّب القلب عطيت حياتك للفن , قد ما سلّمت في حقّك قد ما ضحيت و قد ما عطيت من خبرتك وثقافتك و تكوينك الأكاديمي و تجربتك الإبداعيّة اللي عمرها أكثر من خمسين سنة مع هذا الكل انت مشيت و حقّك ما خذيتوش. مش فلوسك برك. لا ،نقصد حقّك المعنوي أو بالأحرى حقوقك المعنوىة خليني نقول زاده حقوقنا المعنويّة أحنا الفنانين . .آىيييه وي هشام .. هذيكه بلادنا يا صاحبي . هذاكه مصيرنا احنا الفنانين في بلادنا تونس. تونس العزيزة اللي قلوبنا محروقه عليها . ايييه oui cher Hichem قد ما نحبوها قد نتعبو و قد ما نتعبو قد ما نزيدو نحبوها , oui oui oui نحبوها نحبوها نحبوها و ما نسلّموش فيها –
رؤوف بن يغلان . Adieu grand artiste , adieu
l’ami . ..peut être à bientôt”.