أولا، الزوز صور هذم هُم لنفس المشهد، لكن بأجهزة علمية مختلفة.. ببساطة، العين تشوف ألوان معيّنة بين الأحمر والأزرق، لكن توجد ألوان لا يمكننا رؤيتها بالعين المجردة، مثلا لما تكون فمة أشعة تحت الحمراء أو فوق البنفسجية.. تيليسكوب جيمس واب يكشف المستور ويخلينا نجموا نشوفوا في الصور متاعه الأشعة تحت الحمراء..
والأشعة تحت الحمراء بذاتها فيها أنواع.. بذلك الصورة على اليمين فيها نوع أول من الأشعة تحت الحمراء، والثانية فيها نوع آخر.. مما يخلينا نشوفوا حاجات مختلفة بين الزوز صور..
توة علاش سموه العشق الممنوع؟
لأن الصورة تظهر نجميْن اثنين يدوران حول بعضهما، لكن أحدهما (بالضوء الخافت) ينفجر في أواخر مراحل حياته (يعني كبير في العمر) ليطلق سحابة من الغبار والمواد في الفضاء على شكل غازات، في حين يظل النجم الآخر وهو نجم يافع العمر (بالضوء الساطع) صامدا على أنقاض النجم الأول.
الطبقات من الغبار الذي تفرزه النجوم عند انفجارها في آخر مراحل حياتها يتسمّى “السديم” أو (Nebula).. ولما تكون النجمة التي انتهت حياتها في نفس حجم الشمس متاعنا، الانفجار متاعها يتسمّى “السديم الكوكبي” أو (Planetary Nebula).. بذلك يكون تيليسكوب “جيمس واب” قد أكد لنا لأول مرة في التاريخ أن النجم في آخر مراحل حياته يكون محاط كليا بالغبار النجمي.
ملاحظة: لو مهتم.ة باش تعرف أكثر على تأثير تغير طريقة التصوير (الطيف الكهرومغناطيسي) على الصورة كيما فسرنالك بالنسبة للأشعة تحت الحمراء ، بالامكان اعتماد الموقع التالي:
https://viewspace.org/
حقوق الصورة :وكالات الفضاء الأمريكية والأوروبية والكندية
- المصدر: الجمعية التونسية للفضاء
شارك رأيك