دعت الفنانة المسرحية ليلى طوبال، في تدوينة على حسابها الشخصي على موقع التواصل الاجتماعي “فيسبوك” اليوم السبت 16 جويلية 2022، للتصويت بـ”نعم” على مشروع الدستور المعروض على الاستفتاء،”مليون نعم للاستفتاء، وألف مليون لا ولا للعودة الى الوراء”.
وفيما يلي نص التدوينة كاملا كما نشرته الممثلة المسرحية والذي تحدثت فيه عن مقاومتها لمرض السرطان واكمالها لمعركتها ضد ” سرطان الإرهاب والمافيا والفساد المعشّش في بدن البلاد ومفاصلها وتراكنها”:
صباح الامل
مليون نعم
كيما عركتي الشخصية مع السرطان، باش نكمّل عركتي ضدّ سرطان الإرهاب والمافيا والفساد المعشّش في بدن البلاد ومفاصلها وتراكنها، في مخّها وجواجيها وطراطش صوابعها، في ضفايرها ضحكتها وممّو عينيها. السرطان الّي ضرب كل الخلايا الحية، مالدموية للجلدية مرورا بالعصبية وخلّى الغالية جلد عالعظم، تمشي وتتكبّ وتغفّق ماهيش لاقية النفس، حطّمها وسِلتها وعرّاها وڤرّاها وعذبّها ووجعها وبكّاها وقهرها. السرطان الّي قتل زادة خلايا الشرف والقيم والصدّق والإخلاص والنزاهة والنّبل والضمير والوطنية وحتى خلايا الحبّ والعطاء والحلم والفرحة قضى عليها. الشيميو يمكن تكون طويلة ومكلفة ومتعبة آما عندي أمل في الشفاء.
مليون نعم للاستفتاء، وألف مليون لا ولا للعودة الى الوراء.
هزّوا الحجر وارجموني لآخر حرف، الكلمة باش تقعد حيّة مادام القلب يدقّ للوطن”.
شارك رأيك