في تدوينة نشرها عشية اليوم الثلاثاء 26 جويلية على صفحات التواصل الإجتماعي، يؤكد قيس القروي، من المقربين لقيس سعيد وهو الذي قام بحملته الانتخابية في رئاسية 2019، على عدم نزاهة كل من لا يشاطر الرئيس في مشروعه وذلك بالنوايا المسبقة واصفا إياهم من الفاشلين و الأدهى من ذلك أنهم لا يعون بأنهم فاشلون، وفق ما نشره قبل سويعات من الإعلان عن الأرقام النهائية من لدن هيئة الانتخابات التي عينها صاحب الدستور، الرئيس سعيد و جاء كالآتي:
“بلي عندهم سوء نية، من المفروض ما نجاوبوهمش أصلا ولكن ميسالش. خلي نوضحو الصورة.
نسبة المشاركة باش تكون 32% وليس 27 كيف ما قال الزرقوني وهذا باحتساب 9 ملاين منهم 2 ملاين سجلوهم آليا وقتلي هوما عمرهم ما انتخبوا وعمرهم ماهم باش ينتخبوا وفيهم الي حرق والي ما عندو حتى علاقة بالدولة وما يهتمش بالشأن العام جملة
كيف نحسبو على حساب الي مسجلين إراديا أي 7 ملاين باش نلقاو نسبة مشاركة قريبة لل42% وهي نسبة معقولة ومعقولة جدا.
كان نحكيو أرقام … الي صوتوا بنعم قريب لل2،8 مواطن… يعني مرتين قد الي صوتوا لل 4 أحزاب الأولى في برلمان 2019.
بالنسبة لاستفتاء صار في الصيف الصائف وبارشا ناس ما نجموش يحينوا مكاتب الإقتراع وناس في الخلاعة وغيرهم من المعطيات الموضوعية يتسمى ناجح بكل المقاييس وحتى كان نعطيوكم كادو من عندنا 2 ملاين صوت الي عمركم ما جبتوهم في حتى انتخابات منذ 2011 تقعدوا دائما خاسرين.
مهما فعلتم تبقاوا فاشلين والمصيبة أنكم ماكمش فايقين جملة الي أنتم فاشلون”.
شارك رأيك