راج ان شقوقا و عرك و معروك في صف أنصار الرئيس، قيس القروي، عضو الحملة التفسيرية يعلق

“بالله كلمتين خفاف نظاف
يحكيوا على شقوق في أنصار الرئيس وعلى عرك ومعروك:

1- الي يقول راهو تابع تنسيقية كذا وكذا راهو كذاب…. عمرنا ما عملنا تنسيقيات
2- الي يقول راهو الحراك أو الحزب الفلاني تابع للرئيس راهو كذاب. لا عندنا لا حزب ولا حراك.
3- الي لاعب فيها يؤثر على التعيينات في الدولة راهو كذاب.
4- الي ياخذ فلوس قال شنوة لتمويل حملة أو ما نعرفش شنوة باسم الرئيس راهو متحيل واشكيوا بيه للقضاء
5- الي لاعب فيها يقضي في الإدارات بمقابل أو بدون مقابل باسم الرئيس راهو كذاب
6- الي عندو تصويرة مع الرئيس في تاليفونو ويبهبر بيها على الناس ويحب يستعملها باش يتعدى قبل غيرو في أي حكاية راهو يفلم عليكم. شطر تونس متصورة مع الرئيس من 2011 لليوم
الي يحب ينشق أو يندس أو يتكربص راهو ما عندو لا على شنوا ينشق ولا وين يندس إلا على نفسه و مع نفسه.
والسلام”.