في تدوينة نشرها مساء اليوم الاربعاء 10 أوت 2022 على صفحته الخاصة بالفايسبوك، شكر منصف ذويب جمعية مهرجان قابس الدولي التي اكدت انها ستحافظ على عرض مسرحية الوان مان شو “نموت عليك” للفنان القدير الذي تعرض الى هجمة فايسبوكية مصحوبة حتى بالتنمر على شخص يشهد له تاريخه الفني و خشبات المسارح بما قدمه لاضحاك الجمهور…
“نقول سلامات على جال ولينا في بلادنا الي العرض ديالو يتعدى من غير حادث يتسمى سلكها… مانيش باش نحكي على العرض وانطباعات الجمهور ورأي النقاد أكيد باش توصلكم مانيش باش نحكي على شكون دخل وشكون خرج…ثم ناس شادين الباب.
نحكي على الحرفية وثبات المواقف… مهرجان قابس بالرئيس والهيئة والجمهور برهنوا الي موش كل من يقول نحب يحب… قابس رجعت فينا الروح في وقت الي الشك ولى يبات معانا تحت المخدة…
في وسط الحريقة ناس تاقف وتشمر معاك باش تطفي النار وتمنع الحصيدة وفي المقابل ثم الي يرش الايصانص ويلهبها ويدزك في وسك المحرقة بشماتة…
مهرجان قابس كان اول من صرح وقال رانا مكملين والعرض يتم في قابس والفنان يتكرم.. وتكلمت مدنين ونادات قفصة ونطقت قبلي والحمامات شدت صحيح… وخلطت بنزرت وحفوز والرقاب في الثنية…ألف شكر للجميع
رانا صنايعيّة في مهنتنا وماناش من نوع يا جبل ما يهزك ريح واصحاب عنطزة فارغة… احن نسمعوا ونفرزوا الباهي من الدوني… المسرح فن حيّ يتطور من ليلة الي ليلة… يتحسن مع الجمهور والنقد … واحن ما نحبوش نتقدموا كان في السن…”، وفق تدوينة منصف ذويب.
شارك رأيك