كشف الممثل محمد السياري، في برنامج BY Afef على موجات إذاعة “الديوان اف ام” عن اسباب مغادرته إذاعة “اي اف ام”، منتقدا موافقة الممثل فتحي الهداوي تعويضه في برنامج “نهج التروبينال” دون ان يتصل به،قائلا “أنت كزميل في الدراما تنجم تعملي تليفون وتسأل.. زعما علاش ، فتحي الهداوي ماكلمنيش؟
كما هاجم الاعلامي سمير الوافي الذي كتب تدوينة مدح فيها خصال الهداوي وتنبأ بنجاحه في البرنامج مقزما بطريقة غير مباشرة مجهود محمد السياري.
وهذا اهم ما جاء على لسان محمد السياري في البرنامج المذكور:
أنا إلي خلقت نهج التروبينال ، قعد 5 مواسم … نهج التروبينال هو في حومتي وأنا إلي سميتو البرنامج … أنا قلت في تصريح إلي الدراما الإذاعية تنجم تنجح في الاذاعات الخاصة بعدها هوما كلموني وقالولي شنوة نجمو نعملو … أنا كي نعمل رواية في الإذاعة تشد المستمعين في الشي هذا je suis imbattable وماخذ 10 جوائز … في 4 دقائق خذينا القرار .
الفكرة متاع نهج التروبينال متاعي و كي سمعتهم الحلقة الأولى إلي هي “أروى” قالولي سي محمد أنت عليت البارة الفوق … خرجت من ifm لأنو ماتفاهمناش ووقتلي أنت في العقد عندك بند باش تخلص مبلغ كذا كل شهر موش تقعد حتى لين يكمل العام وأنت تقعد تتطلب ، وهذا كل عام وزيد تعدي في اليوتيوب تربح فلوس واشهار وماتخلصش فيهم …
الفكرة والعنوان وال conception متاعي ومسجل في حقوق التأليف … لحاجة الوحيدة إلي عندهم فيها لحق هوما يعملو إعادة للي سجلتو أنا وقانونيا ماينجموش يعملوه مع حد اخر … أنت كزميل في الدراما تنجم تعملي تاليفون وتسأل زعما علاش ، فتحي الهداوي ماكلمنيش؟
هو كي يحب ينجح يعمل عنوان وفكرة على روحو … كل إنسان والنفس متاعو والتجربة متاعو وأنا نهج التروبينال كي يبداو يكتبو نبدى معاهم ونقدمو معلومات ونثقفو الناس ونعطيو تفاصيل وحبيتو يكون كيما الأدب البوليسي …
توا مايحشمش على روحو سمير الوافي يكتب هكاكا وأنا قلت عليه في المباشر مع هادي زعيم إلي هو انسان متحيل وفار متاع حبس مانخذش عليه … بطبيعة الحال إذا قدمو البرنامج بنفس الاسم باش نرفع قضية … أنت جاي باش تخدم برنامج متاع زميلك في الراديو!
شارك رأيك