إبنة الفنان منصف عبلة: “بابا مريض ..بعنا التلفزة والاثاث،وما تلفتلنا حد..هو فنان عطى لبلادو علاش يصير فيه هكا؟”

كشفت عزة إبنة الفنان منصف عبلة،عن مرض أبيها (سرطان في البروستات) وعن الصعوبات وخاصة المادية التي إعترضت العائلة في رحلة علاجه.

وأكدت عزة عبلة، في تدخل هاتفي في برنامج “ديما لاباس” على إذاعة “الديوان أف أم”، ونبرة صوتها متأثرة بسبب الحالة الصحية المتدهورة لوالدها، “عندو مرض خايب ..ما تلفتلو حد..لقينا عمي جمال يبيع في الكسكروتات يجي ويتفقدنا..بعنا اثاثنا..حتى تلفزة ما عندناش..امي باعت ذهبها.. بابا ما عندوش شهرية ..واكيد باش يتغشش عليا كيف يسمع الكلام الي انا قلتو”.

واضافت ” هو فنان عطى للفن وعطى لبلادو وكي طاحت بيه مالقينا حتى حد لقينا شويا اصدقاء منهم لطفي بوشناق وزينة القصرينية” ، مشددة على ان الوزارة والنقابة على علم بمرض ابيها، قائلة في نفس السياق “نحشم باش نقولها أما وصلنا مانعملوش عشاء في الليل وخايفين يقصو علينا القاز والضوء”.

وابرزت عزة عبلة ان مشكلة ابيها لا تقتصر على الماديات فقط بل ايضا على الامور النفسية “المورال طايح”، وأجهشت بالبكاء ونقلت قول إبيها الفنان الذي قالت إنه اصبح يفكر دائما في الموت، وأنه قال لها “إنشاء الله ما تضيعوش بعدي..”، متسائلة “علاه بابا فنان يوصل هكا؟”.