حول غلاء المعيشة و انعدام رؤية واضحة لمستقبل البلاد و العباد، كتب المناضل لزهر الضاوي، المعروف بشاعر المناجم ما يلي:
-* حالتنا..ياسر “ماهناكش ” ؟؟؟ *-
الرئيس في قصرو “راكش”..
يتكلم كان “بالكشاكش”..
والحكومة متاع “بكاكش”..
“كان ربي تفرّج علينا”..؟؟؟
حالتنا ياسر “ماهْناكش”..
تجبد “اجرك”.. ما كََفّاكش..
موش لاقي حتى “العناكش”..
تجري وراء ..”حليب”.. و”فارينة”..؟!!
و”اقتصاد” بلادك عاكش..
و”المالية” ما يخفاكش..
قرض “الصندوق” ما ززّاكش..
طامع في ” سلمان ” يعطينا..؟؟!!
وطريقك.. هاو ما عدّاكش..؟
” مولى البغلة”.. ماهََنّاكش..؟
في كلامو يقولّك ما نساكش..
والواقع.. قولّي واش رينا… ؟؟؟
بايت جيعان…….ما عشّاكش..
غارق في البَحر……وماجاكش..
لهبت الأسعار……….. وما راكش..
“صْواريخو”…… رجعت علينا..؟؟!!
حالتنا يااااسر……..”ماهناكش”..؟؟!!!”.
شارك رأيك