حملة مساندة كبيرة منذ يوم أمس من قبل رواد صفحات التواصل الاجتماعي للشاب ريان الحمزاوي، رئيس المجلس البلدي المنحل بالزهراء بولاية بن عروس، حاليا في حالة ايقاف و هو الذي تميز بأدائه لمهمته على أجمل وجه و مشهود له بما قام به من مجهود يشكر و يستحق التكريم.
ريان الحمزاوي هو أصغر رئيس بلدية في الجمهورية و هو الذي تنازل عن جميع الامتيازات على غرار الجراية و السيارة الادارية و المصاريف الجانبية… و كان مثلا يقتدى به…. هكذا بدا للجميع… أو لأغلبية الجميع…
و في ما يلي بعض الشهادات نستهلها بردة فعل رياض الحمزاوي والد ريان الحمزاوي على ما دونه كل من محمد شلبي و رياض جراد و غيرهما….
- رياض الحمزاوي يجيب رياض جراد:
“مدون برتبة نيابة عمومية.
بعد تصنيف القضية من قبل هذا الفتى أنا الان بمقهى موكا بشارع محمد الخامس انتظر منه مدنا والمحامي بتفاصيل القضية حيث ذكر في تعليق أنه سيكشف عنها خلال ساعات..
اشنوه الفرق بين هذا الفتى والصحفي اصيل سيدي بوزيد الذي حكم بخمس سنوات سجن من أجل إفشاء عملية ارهابية قبل انطلاق الابحاث.
زعيط ومعيط # تسامحت المرة الاولى ولن اتسامح هذه المرة…القضاء بيننا…”…
- رياض الحمزاوي يرد على محمد شلبي:
” توا هذه ولاية والا ضيعة محروس…يا والي شد خوك والا قريبك…الشيء من مأتاه لا يستغرب… شكرا سيدي الرئيس على استرجاع الرنج روفر…بقية الملفات سوف أحليهم للدوائر المسؤولة…”.
- الشعب يريد يرد على تدوينة رياض جراد:
إيقاف ريان الحمزاوي السبب متاعو عركة مع حرس، الحملة إلي صارت البارح من رياض جراد والإيحاء أنو سبب الإيقاف فساد مالي هي حملة وراها نادية عكاشة عن طريق المرتزقة متاعها كي رياض جراد وغيرو وهي حملة لضرب رئيس الجمهورية عن طريق إتهام عائلات المقربين منه بالفساد…المقربين من المسار يعرفو انو إقالة نادية عكاشة كان ورائها إبن عم ريان الحمزاوي إلي قدم معلومات للرئيس حول تخابرها مع جهات أجنبية… بالنسبة ل #ريان_الحمزاوي للي ما يعرفوش هو رئيس بلدية الزهراء وأصغر رئيس بلدية في تونس تنازل عن جميع إمتيازاته وهي جراية شهرية ب3300 دينار والسيارة الإدارية ومصاريف المحروقات والهاتف. كان مستهدف من عز الدين شلبي والي بن عروس لأنو خدام وخدمتو تغطي على خدمة الوالي. تحلت البلديات ورجع يعيش حياتو عادي لانو ولد عايلة ولابأس عليه ومتربي في الخير. خرجو فيه شهر لتالي إشاعة توقف في المطار وخرج وكذب الحكاية، اليوم عركة مع حرس رجعوها فساد مالي…أما المرة هاذي الحكاية تكشفت وبالأدلة…ساعات وستكتشفون الحقائق وسنكشف شبكة التحريض والخيانة…يتبع…”…
……..
- حملة تضامنية من شباب الزهراء و ما جاورها تحت شعار “سيب ريان”:
“كل التضامن مع الشاب الخلوق ريان الحمزاوي
ما نعرفش أسباب إيقافو لكن نعرف الي هو شاب متربي، ما يخرجش كلمة العيب من فمو، أصغر و أنجح و أنظف رئيس بلدية
كي شد بلدية الزهراء تنازل على كل الامتيازات الي من حقو و كي خرج خلى إنجازات يشهد لها كل متسااكني المنطقة، و حتى حد ما ينجم ينكر و الا ينسى وقفتو في أزمة الكوفيد
مثال للشباب الي يحبو بلادهم ويحبو يخدمو ها و الي البلاد تقوللهم بربي أكرهوني و هجوا…”
شارك رأيك