يتعرض إلى نقد لاذع من قبل بعض الفنانات، حنان شقراني تعبر عن مساندتها لشمس الدين باشا

في التدوينة التالية التي نشرتها على حسابها بالفايسبوك، عبرت الممثلة و المنشطة الإعلامية حنان شقراني عن مدى تعاطفها مع الفنان الاستعراضي شمس الدين باشا و في نفس الوقت عن مدى قلقها من التنمر و الكلام الموجع من طرف أطراف من نفس العائلة الفنية و زملاء في نفس الميدان:

“كلمة حق باش نقولها من قلبي وربي شاهد علي و مانحبش نزيد حتى كلمة اخرى لاني نحب الناس الكل و اتمنى الخير للناس الكل وربي يهدي النفوس بين الناس الكل،انا عمناول الوقيت هذا كنت متواجدة باستمرار مع اختي و عشيرتي الفنانة الراحلة فايزة المحرصي الله يرحمها و ينعمها انا وفوفا الفة الغالية صاحبة فايزة و نجلاء التونسية ربي يباركلها في صحتها و تقابلت مع الفنان شمس الدين باشا الي لحقيقة ماكنتش نعرفو كإنسان عن قرب،تقابلت معاه في غصرة متاع مرض و متاع يأس،وشفتو في تعاملو الانساني ووقفتو مع فايزة في المحنة و كيف نقول وقفة راني مانيش نحكي عالمادة فقط،نحكي عالاكثر و اقوى من المادة الاحتواء،المحبة الصدق،شمس الدين باشا صاحب صاحبو،اكتشفت انسان محلااااه طيب صادق ودود حنين وصلت قتلو علاش ماكنتش نعرفك من قبل خسارة و من وقتها اصبح في حياتي اخ عزيز جدا و موش ساهلة كلمة خويا لانو في وقت الغصرة تعرف طينة الناس و تعرف عمقهم الانساني بعيد عن الاضواء و الركح و طبعا مازال الخير في الدنيا و تعرفهم الطينة الصحيحة وقت الغصرة وانا بيدي كان يتفقدني يهز التاليفون و يسال علي خاصة كيف نتقلق و الا نتعرض للتنمر و الكلام الي يوجع لقيتو في برشة مواقف و خير الناس الي ما تنجمش تردو عدو كيما طبعا ربي رزقني بأصدقاء اخرين ولاو خواتيو نحبهم برشة،فقط حبيت نوصل كلمة وحدة و انشالله توصل بالصحيح،بربي لا تخليو مشاكل الدنيا تغلطنا و تنسينا للغدوة نجمو نندمو إنا نوجعو بعضنا و نقولو يا ليتنا ووقتها فات الفوت خليونا نخزرو للباهي و حتى كان نتغششو من بعضنا نتقابلو و نحكيو راهي الخلافات تصير حتى بين الاخوة عادي اما ما يلزمش تولي كره و الله يجنبنا شر الفتنة،انا للتوة قسما بالله رغم ايماني بقضاء ربي فراق فايزة مازال يوجع فينا الكل اما هذيكة الدنيا،و الكلام هذا راهو موش مساندة لا اقوى كلمة حق،شموس الغالي ربي يفضلك فطومة و العايلة نحبك برشة Chamseddine Bacha ربي يهدينا على بعضنا و بلحق ما دايمة للحد”