نشر محمد علي التونسي مساء اليوم السبت 2 سبتمبر التدوينة التالية بخصوص صعوده لأول مرة على ركح قرطاج الأثري لتقديم مسرحيته الهزلية “تحفة” :

“كنت في 2019 ندور مع لطفي العبدلي في عروض مسرحيته و دخلت قرطاج أول مرة معاه و قعدت في الكوليس و ورا الركح و نسمع في صوت الجمهور و نرا في الدنيا معبية و عندي برشا لقة في العين… و أنا صغير نرا في التلفزة في نجوم نحبهم يغنيو في قرطاج و كنت نتمنا نكون من بين الحاضرين لكن وقتها عندي حق حلمة معنديش حق تسكرة ..
غدوة 3 سبتمبر باش نكون موجود على ركح المسرح الأثري بقرطاج.

تحفة🥇”.

كما سبق أن دون الفنان ما يلي:
“مخدمتنيش ماكينات لا عيطلي لا ” هذاكا ” و لا ” هذاكا ” و لا ” هذاكا ” ..وحدي وصلت و فكيت من العلا جيتهم بشلاكة
الأحد 3 سبتمبر على ركح المسرح الأثري بقرطاج
Les ticktes sont disponibles:
Cité de la Culture
Teskerti.tn
Guichet théâtre antique de Carthage
لمة كوميدية فيها خيرة الكوميدين التوانسة ليلة للتاريخ باش تكون نشالله
نستناكم”.