خلال برنامج “نجوم” أمس مع هادي زعيم على موزاييك اف ام، كشف نور شيبة عن أغنيته كرتوش في زمن الكرتوش.. “نعيشو كرتوش في غز.ة و ربي يفرج عليهم .. الغناية كلاش فيه برشا موزيكا و فن و كلام يتسمع لناس ما رحمتناش..”، يقول نور شيبة بكل ألم مضيفا: “برشا ناس يتصورو الي الغناية تحكي عليا و يمشي في بالهم كي نخرج غناية فيها ألم و وجيعة معناها عليا..
صحيح انا واحد مالناس الي عايش في المجتمع هذا الي كثر فيه الحسد… علاش نحسدو بعضنا على نعمة عطاهالنا ربي ؟علاش ما نقولوش هذاكا ربي عطاه نجاح راهو تعب و قاسى و عانى.. علاش ما نحبوش الخير لبعضنا؟! “، وفق تصريحاته”. و تكلم الفنان عن الحسد بقوله انه “اكبر مرض يهد بيوت و يبرك رجال.. و ربي قال “و من شر حاسد اذا حسد… اليوم فما قلوب خايبة لازمنا نقولولها ستوب يزي فيه البركة تلهاو في رواحكم و خلي الناس تخدم على رواحها و تنجح”، حسب ما صرح به موضحا بأن “كرتوش” هي موجهة لقتل الحسد و الكره.. الغناية كتبتها في السجن ما بين 100 غناية من وحي اللحظة و الوجيعة و الألم و الظرف.و الغناية الي تولد من رحم المعاناة يكون فيها برشا صدق… “.
و تابع نور شيبة بقوله بأنه التقى لجمهوره و هو موجود في الحفلات و الأفراح و المناسبات و “الجمهور يحبني و متوحشني و يوميا كي نخرج للشارع ناخذ جرعة متاع محبة من جمهوري و عندي مشروع كبير قاعد يحضر و برشا خدمة جديدة في المستقبل ان شاء الله باش تعجب الناس”
شارك رأيك