… ما يهمنيش اش كان..
“شيعي”……..”شيوعي”……
“سيد الرجال”..
وعليه سالوا دموعي..!!!
مايهمنيش اش كان..
ما يهمنيش اش كان…
“سيد الرجال”..وقت “الرجولة” عزّت..
وقت المبادي والشهامة كَزّت..
ووقت الشجاعة من القلوب تهزت..
جاني في وسط الليل ضوّى شموعي…!!!
ما يهمنيش اش كان
مايهمنيش اش كان
مايهمنيش اش كان
“شيعي”.. “سني”..
وما يهمنيش اللون..
اصفر.. بُنّي..
وسط الخنوع جاني ويسأل عني..
يدوي كيما البركان بين ضلوعي ..!!
مايهمنيش اش كان..
مايهمنيش اش كان..
مايهمنيش اش كان
وقت تباعت
غزة العزيزة في الركام وضاعت
وكل العروش البايدة كي انصاعت ..
وحدو صرَخ بالصوت ضد بيوعي..!!
مايهمنيش اش كان
مايهمنيش اش كان
مايهمنيش اش كان في افكاره
وما يهمنيش اشكونهم انصاره
اللي يهمني انو “مات” وسط الغارة
رافع شعار العز ..ضد خْضوعي…!!!
ما يهمنيش اش كان
مايهمنيش اش كان
ما يهمنيش اش كان
“شيعي.”….”شيوعي”..
سيد الرجال”.. وعليه سالوا دموعي..!!!
الإمضاء : لزهر الضاوي Lazhar Dhaoui
(#قفصة في 2024/09/28)