اعلام/
جمهورنا العزيز…
الواضح والأكيد إنو طموح ورغبة كل واحد فيكم إنو يرى فريقنا في أعلى المراتب ويكمل مشوار البطولة بكامل المعنويات وبسقف طموحات لامحدود.
الثابت كذلك إنو كل واحد فيكم ماذابيه يكون موجود بالصوت العالي نهار الأربعاء القادم باش يشجع الجمعية ونكملو في نفس النسق لكن نظرا للأمور التنظيمية الي نعرفوها الكل هذا موش ممكن.
في المقابل وفي المرحلة الهامة الي يمر بها فريقنا وجمعيتنا ككل والتي تتطلب تكاتف كل المجهودات فإنو بإمكانكم إقتناء تذاكر دعم بسعر موحد 10 دنانير مع تحديد هدف 30000 تذكرة وهو تحدي بإمكان جماهيرنا الوفية تحقيقو كيما عودتنا في مناسبات سابقة.
مع العلم إنو بإمكانكم إقتناء هاته التذاكر إبتداء من يوم الأحد 23 فيفري على الساعة الثانية بعد الزوال 🕑 على موقع https://www.ess-eboutique.com/ وإيتداء من يوم الإثنين 24 فيفري بمقر النادي 🇭🇰
شارك رأيك