في تصريح اعلامي بلاده، قال تبون رئيس الجزائر عن الوضع الذي تمر به بلادنا أن “من يهدد تونس “نخليولو الخيمة تاع والديه»….”….
هذا التصريح أثار غضبا كبيرا لدى عامة رواد صفحات التواصل الإجتماعي. ننقل في ما يلي بعض الردود و أغلبها تذكر بأن جانب من الارهاب و من الهجرة الأفريقية غير الشرعية قادم من الحدود الجزائرية…
*الد. رفيق بوجدارية يكتب:
لا يعقل أن تكون تونس تحت الوصاية الجزائرية؟…
هل أراد تذكيرنا ببنود الاتفاقية الأمنية التي تحدث عنها الإعلام الجزائري منذ مدة.. أم هل أراد تهديد المعارضة الديمقراطية خوفا من إعادة الحياة للحراك….أم تخويف و تلويح جديد بالإرهاب …
تونس دولة ذات سيادة ، أمنها موكول لأبنائها في جيشها و قوات أمنها الداخلي .
لكن ما فيها باس التذكير بأن الإرهاب الحقيقي هو إرهاب الدول حين تضخ المائدة المائية المشتركة العميقة لصالحك وحدك دون أي تفاهم كما فعلت مع بترول مالي…و الإرهاب الحقيقي هو أن تضع سدودا على وادي مجردة و تهدد فلاحة عمرها آلاف السنين . و الإرهاب أن تسهل دخول آلاف الأفارقة جنوب الصحراء إلى تونس .. أو تهيمن على أرض هي ليست لك مثل الصحراء الشرقية أو الصحراء التونسية”.
*الدكتور ماهر العباسي:
“يا تبّون ….. الإرهاب وقت ضرب الجزائر عمل 200 الف شهيد و الدولة انهارت و عم الرعب و دام الارهاب عشرة سنوات باش تغلبتو عليه ….
الارهاب كي ضرب تونس عمل 200 شهيد و الدولة قعدت واقفة و نظمنا انتخابات ديمقراطية و قضينا عليه في خمسة سنين .
يا تبّون ….. تونس عندها خمسة فرق لمقاومة الارهاب كل وحدة منهم تساوي القوة متاعها جيش كامل … عنا BNIR …. عنا BAT …. عنا USGN و ما أدراك … عنا GIP متاع الحرس الرئاسي … و عنا خاصة …. BFS و GIM متاع الجيش الوطني ….. هذا من غير ما نحكيو على قوات الامن و الحرس و الجيش و الشعب …
تعرف يا تبون الي تونس هي الدولة الوحيدة الي داعش لم تتمكن انها تاخو منها ميترو مربع واحد ؟؟
تعرف يا تبون الي القوات الخاصة الامريكية و البريطانية و الفرنسية تجي تترانا مع قواتنا الخاصة باش تتعلم منهم مقاومة الارهاب خاطرنا اكثر بلاد في العالم قواتها الخاصة عملت عمليات ناجحة ضد الارهاب .
و لهذا يا تبون شكرا على المشاعر الجياشة تلهى في بلادك تونس عندها رجال و نساء تعرف كيفاش تدافع عليها و ما نحبوش شكون يتدخل فينا و الي يتدخل فينا نخليولو الخيمة متاع والديه”.
*فاطمة شعيب، ناشطة في المجتمع المدني:
ياخي شنوا أللي صاير ؟؟ هاهو سي التبون خرج علينا و قالك نحمي تونس و الكذا ؟؟؟ شكون عملو appel ??? و منين ليه أللي الإرهاب سيعود ؟؟؟ و الا عامللنا مراوغات باش نطيحو في الفخ ؟؟؟
اسيدي ما تخوفناش بعودة النهضة للحكم، لن تعووود.. زايد تخترعو في بعبع و تعملولنا فزاعة النهضة… سي بون الشعب فايق.
وينه السيادة اللي يتبجحو بيها علينا ياخي وَصي وَلي علينا؟؟؟ السيد يتفاوض مع ميلوني من ورانا ؟؟؟ وينو رئيس تونس ؟؟؟
تي شنوا هاذا ؟؟؟”.
شارك رأيك