بكلمات موجعة تمزق الأحشاء، أعلنت مريم بن عزوز مساء اليوم الخميس 13 أوت عن دخول زوجها شوقي الطبيب، عميد المحامين الأسبق المقيم بسجن بلي بولاية نابل في اضراب جوع:
“شوقي دخل في إضراب جوع في الحبس… حاجة عمري ما قبلتها، وما باش نفهمها.
قتلو قدّاش من مرة: «راك تتعامل مع ناس ما تفهمش وما تحسّش. شنوة الفايدة إنك تحتج؟ إنك تضرب؟ إنك حتى تصيح؟ وإنك تدافع على روحك؟…”،
….”أما شكون باش نشتكي؟ وشكون باش نحكي؟
لشكون باش نوصل صوتي وقت اللي حتى الصياح والبكاء ولى ما يتسمعش ومابتحسش؟
أنا نعرف شوقي، ونعرف قدّاش يؤمن بحقه في الدفاع عن نفسه، وقدّاش يرفض الظلم. أما عمري ما قبلت فكرة إنو يعرّض حياته للخطر باش يثبت حق هو أصلاً ما كانش لازم يدافع عليه.
يمكن الإضراب بالنسبة ليه آخر وسيلة احتجاج كي تتسكر كل الأبواب… أما بالنسبة ليا، هو خوف جديد، ووجع جديد، وسؤال ما يفارقنيش:
قدّاش يلزم الإنسان يخسر من صحته وكرامته وحياته باش يُسمع صوته؟
شنوة ها الظلم هذا الكل ؟
واللي يوجع أكثر… إنك تلقى روحك تسأل:
لشكون باش نشكي؟ وشكون باش نحكي؟”.
شارك رأيك